పద్మాసనం

పద్మాసనం.

పద్మాసనము (సంస్కృతం: पद्मसन) యోగాలో ఒక విధమైన ఆసనము. రెండు రేకులుగల పద్మాన్ని పోలి ఉండటం వల్ల దీనికి పద్మాసనమని పేరువచ్చింది.పద్మాసనము వేయలేనివారు, అర్ధ పద్మాసనం వేసుకొనవచ్చును.

పద్ధతి

• మొదట రెండు కాళ్ళు చాపి నేలపై ఉంచాలి.
• తరువాత ఎడమ కాలును కుడి తొడపై, కుడి కాలును ఎడమ తొడపై ఉంచాలి.
• రెండు చేతులను మోకాళ్ళపై ఉంచాలి. చూపుడు వేలును బొటన వేలుకి నడుమ ఆనించి మిగతా మూడు వేళ్ళను ముందుకు చాపి ఉంచితే చిన్ముద్ర అవుతుంది.
• ఈ ఆసనంలో ఉన్నప్పుడు భ్రూమధ్య దృష్టిగాని, నాసాగ్ర దృష్టి గాని ఉండాలి.
• ధ్యానంలో ఉన్నప్పుడు హృదయస్థానంలో మనస్సును ఏకాగ్రం చేయవచ్చు.

ఉపయోగాలు

పద్మాసనము ప్రాణాయామం, ధ్యానం చేయుటకు చాలా ఉపయోగకరమైనది. కుండలినీ శక్తిని జాగృతము చేసి పైకిలేపడానికి ఈ ఆసనం తోర్పడుతుంది. శారీరక ఫలితాలు:

• తొడబాగములోని అనవసర కొవ్వు కరుగుతుంది.
• వెన్నెముక బలపడుతుంది.
• శ్వాస సంబంధిత వ్యాధులు క్రమక్రమముగా నిదానిస్తాయి.

మానసిక ఫలితాలు: ద్యానానికి ఇది అనుకూలమైన ఆసనం. ఏకాగ్రత కుదురుతుంది. బుద్ధి తీక్షణత పెరుగుతుంది. ఆయుః ప్రమాణము పెరుగుతుంది.