సిక్కిం జానపద నృత్యాలు
సిక్కిం, బహుళజాతి రాష్ట్రం. దాని దేశీయ వారసత్వం, సంప్రదాయాలకు జాతీయ, అంతర్జాతీయ ప్రశంసలను అందుకుంది. సిక్కిం మొత్తం జనాభా అనేక జాతులుగా విభజించవచ్చు. ఆ సమూహాలలో ప్రతి ఒక్కటి ఒక భాష, సంస్కృతి, వారసత్వం, సంప్రదాయాలు,కలిగి వుండి వారి స్వంత నృత్య రూపాలను కలిగి ఉన్నాయి.సంతోషకరమైన వేడుకలు, ఉత్సవాలు సిక్కిం యొక్క సాధారణ జానపద నృత్యాన్నిచూసేందుకు అనేక అవకాశాలను అందిస్తాయి.జాతి సమూహాల శ్రేణి వైవిధ్యమైన, ప్రత్యేకమైన నృత్యరూపాన్ని అందిస్తాయి, దీనిని సిక్కిం ప్రజలు కూడా విస్తృతంగా అంగీకరింస్తారు విభిన్న నృత్యాలు సిక్కిం బహుళజాతుల మధ్య సామరస్యం, ప్రేమ, సమగ్రత, పరస్పర గౌరవాన్ని సూచిస్తుంది.సిక్కింలోని మొత్తం జనాభా భూటియాలు, నేపాలీలు, లెప్చాలు అనే మూడు ప్రధాన సమూహాలుగా విభజించవచ్చు, ఇవి వారి స్వంత భాష, సాంస్కృతిక కార్యక్రమాలు, నృత్య రూపాలను కలిగి ఉన్నాయి. [1].
చు ఫాత్ నృత్యం
[మార్చు]ఈ నృత్యం ప్రత్యేకంగా ఉత్తర బౌద్ధ క్యాలెండర్లోని 7వ నెల 15వ రోజున ప్రదర్శించబడుతుంది. లెప్చా కమ్యూనిటీ దాని సహచరులు నార్షింగ్ పర్వతం, కబ్రు పర్వతం, సింబ్రమ్ పర్వతం తో పాటు కాంచన్జంగా పర్వతాల శిఖరాగ్రాల ఔన్నతాన్ని శ్లాఘిస్తూ ఈ నృత్యాన్ని ప్రదర్శిస్తారు .ఈ శిఖరాలలో ఖనిజాలు, ఔషధాలు, ఉప్పు, ఆహార ధాన్యాలు ఉన్నాయని నమ్ముతారు.[1] చు ఫాత్ నృత్యంను భక్తి స్ఫూర్తితో లెప్చాస్ ప్రజల చేత ప్రదర్శించబడుతుంది. నృత్యకారుల భక్తిని, దైవానికి లొంగిపోయే వారి భావాలను చూసి ప్రదర్శకులు చలించిపోతారు.ఇది పాంగ్ లబ్సోల్ శుభ సందర్భంగా నిర్వహిస్తారు. పాంగ్ లబ్సోల్ పండుగ కృతజ్ఞతా వేడుక. నేపథ్యంలో భక్తి గీతాలతో,చు ఫాత్ నృత్యకారులు ప్రకృతిని ఆరాధిస్తారు.కాంచన్జంగా పర్వతం సిక్కింలోని ఎత్తైన శిఖరం వున్న పర్వతం, దీనితోపాటు కబ్రూ పర్వతం, సింబ్రమ్ పర్వతం, పాండిమ్ పర్వతం, నార్షింగ్ పర్వతాలుకూడ ఎత్తైన శిఖరాగ్రాలను ఉన్నాయి.లెప్చా ప్రజలు చు ఫాత్ నృత్యం ద్వారా ఈ ఐదు పర్వతాలను పూజిస్తారు. ఖనిజాలు, ఉప్పు, ఔషధం, ఆహార ధాన్యాలు, పవిత్ర గ్రంథాలను అందించినందుకు వారు పర్వతాలకు కృతజ్ఞతలు తెలుపుతారు.చు ఫాత్ నృత్యంలో వెన్న దీపాలు, వెదురు షీవ్లను ఆసరాగా ఉపయోగిస్తారు. ఈ ఆరాధనాలు పర్వతాల బహుమతులకు ప్రతీక, సిక్కిం భూమిపై తమకు ఆశీర్వాదాలను అందించాలని పర్వతాలను అభ్యర్థిస్తారు.ఈ రకమైన ఆరాధన, నర్తకుల నృత్యం అందాన్ని మరింత ఇనుమడింప చేస్తాయి. చు ఫాత్ నృత్య ప్రదర్శనలో తమ వెన్న దీపాలు, పచ్చని వెదురు పొదలతో మనోహరంగా ప్రదక్షిణలు చేస్తారు. తమ అందమైన వేషధారణలతో వేదికపై చక్కర్లు కొడతారు.[2].
సిక్మారి నృత్యం
[మార్చు]ప్రకృతి మాధుర్యాన్ని ఆరాధించడానికి లెప్చాలు సిక్మారి నృత్యం చేస్తారు. ఇది ఒక రకమైన నృత్యం, ఇది ప్రకృతి సౌందర్యాన్ని ఉత్సవంగా జరుపుకోవడానికి ఈ నృత్య రూపకాన్ని ప్రదర్శించడానికి రాష్ట్రంలోని యువకులందరూ సమావేశమవుతారు.[1] [3].లెప్చాస్ యొక్క మరొక నృత్య రూపం సిక్మారి. ప్రకృతి సౌందర్యం, ప్రేమ యొక్క సమృద్ధి యొక్క సమృద్ధికి గౌరవం చూపించడానికి తెగ యువత ఈ నృత్యాన్ని ప్రదర్శిస్తారు.మరోవైపు, భూటియా కమ్యూనిటీ సింఘీ చామ్, యాక్ చామ్, డెంజాంగ్ గ్నెన్హా, తాషి యాంగ్కు వంటి జానపద నృత్యాలకు ప్రసిద్ధి చెందింది. ప్రధానంగా పశువుల కాపరులు, నేత కార్మికులు అయిన భూటియాలు, హిమాలయాల ఎగువ ప్రాంతాలలో నివసించే పౌరాణిక మృగం అయిన మంచు సింహం అని పిలిచే మృగం గౌరవంగా సింఘీ చామ్ నృత్యం చేస్తారు.. లెప్చానర్తకుల వంటి సింఘీ చామ్ నర్తకులు లు కూడా తమ ప్రదర్శనతో కాంచన్జంగా పర్వతం, దాని నాలుగు సహచర శిఖరాలను గౌరవిస్తారు, దీని కోసం వారు తెల్లటి సింహం దుస్తులు ధరించి నకిలీ పోరాటంలో పాల్గొంటారు.[4].
సింఘీ చామ్ నృత్యం
[మార్చు]![](http://upload.wikimedia.org/wikipedia/commons/thumb/1/15/Snow_lion_dance_at_the_%22Karma_Temple%22_Bodhgaya.jpg/200px-Snow_lion_dance_at_the_%22Karma_Temple%22_Bodhgaya.jpg)
భూటియా కమ్యూనిటీ పశువుల కాపరులుగా జంతువుల పట్ల దృఢమైన అనుబంధాన్ని కలిగి ఉన్నారు. ట్రాన్స్ హిమాలయన్ ప్రాంతంలో మాత్రమే కనిపించే పౌరాణిక మంచు సింహం పట్ల గౌరవం చూపించేందుకు సింఘీ చామ్ నృత్యం చేస్తారు.[1]సిక్కింలోని లెప్చా కమ్యూనిటీ సాంప్రదాయ జానపద నృత్యాన్ని సింఘీ ఛమ్ అని పిలుస్తారు, దీనిని సాధారణంగా మంచు సింహం నృత్యం అని పిలుస్తారు.మంచు సింహం ముఖాన్ని కలిగి ఉండే శక్తివంతమైన దుస్తులు, ముసుగులు ఉపయోగించడం ద్వారా ఈ నృత్యం ప్రత్యేకించబడింది.ఇది సాధారణంగా వివాహాలు, పండుగలు వంటి ప్రత్యేక కార్యక్రమాలలో ప్రదర్శించబడుతుంది. సాంప్రదాయ జానపద సంగీతం షాం, దంఫు, రెండు డ్రమ్స్ వంటి వాయిద్యాలపై నృత్యానికి తోడుగా ఈ నృత్యం ప్రదర్సింప బడుతుంది.[5]నిజానికి ఈ నృత్యం సిక్కిం లోని బుటియా వారి జానపద నృత్యం అని చెప్పాలి.[6]
యాక్ చమ్ నృత్యం
[మార్చు]దాని పేరు సూచించినట్లుగా, యాక్ చామ్ నృత్యాన్ని భూటియా కమ్యూనిటీ యాక్ను( జడలబర్రె లెదా చమరీ మృగం))గౌరవార్థం ప్రదర్శిస్తారు. వారి రోజువారీ జీవితంలో జడలబర్రెఉపయోగం చాలా వుంది.వీటీని సామనుల,వస్తువుల రవాణాకు ఉపయోగిస్తారు.వాటి పొడవాటి వెంట్రుకలనుండి ఉన్ని దారాలు తయారు చెస్తారు,వాటి పాలనుంది వెన్న తీస్తారు.ఇల అక్కడి ప్రజల జీవితంతో చమరి మృగం పెనవేసుకుని వున్నది. మనుగడ కోసం అనేక కుటుంబాలు ఈ చమరింర్గం/జడలబర్రెపైఅధారపడి వున్నరు. అందుకే జడల బర్రెలకై జరుపుకునే ప్రత్యేక నృత్యం ఇది. ఈ సాంప్రదాయ నృత్యం పశువుల కాపరి, జదలబర్రె మధ్య సంబంధాన్ని వర్ణిస్తుంది.[1] యాక్ ఛామ్ లేదా యాక్ నృత్యం అనేది సిక్కింలో విస్తృతంగా ప్రదర్శించబడే ఒక ఆసియా జానపద నృత్యం. పేరు సూచించినట్లుగా ఈ నృత్యంలో పాల్గొనే నర్తకులు ఒక జడల బర్రెతో పాటు దాని పైన ఎక్కె వ్యక్తి వలె నటింస్తారు. వేల సంవత్సరాల క్రితం మాంత్రిక పక్షి సహాయంతో ఈ జడల బర్రెను కనుగొన్నట్లు నమ్ముతున్న కుటుంబ సభ్యులను సూచించే ముసుగును కూడా నర్తకులు ధరిస్తారు.యాక్ చమ్లోని ఛం పదం మతపరమైన నృత్యం గురించి వివరిస్తుంది. కొండలపై, ముఖ్యంగా ఎత్తైన ప్రాంతాలలో నివసించే ప్రజలకు జీవనాధారమైన కీలకమైన జంతువువైన జడల బర్రె జంతువుకు నివాళిగా కూడా ఇది జరుగుతుంది. సింఘీ ఛామ్ మరొక ముఖ్యమైన సిక్కిమీస్ నృత్య రూపం, ఇది ఖంగ్చెండ్ జోంగా పర్వతంలోని ప్రసిద్ధ 5 శిఖరాలతో ముడిపడి ఉంది. [7]నిజానికి ఈ నృత్యం సిక్కిం లోని బుటియా వారి జానపద నృత్యం అని చెప్పాలి.[6]
డెంజాంగ్ గ్నెన్హా నృత్యం
[మార్చు]డెంజాంగ్ గ్నెన్హా భూటియా కమ్యూనిటీకి వారి స్వదేశీ దేవుళ్లపై లోతైన విశ్వాసాన్ని చూపించడానికి ఒక మతపరమైన నృత్యం కావచ్చు. సిక్కిమీస్ మహిళలు తయారు చేసిన ప్రత్యేకమైన శిరస్త్రాణాలను ధరించి నృత్యకారులు వేడుక జరుపుకుంటారు.[1]డెంజాంగ్ గ్నెన్హా అనేది ఒక మతపరమైన నృత్యం, ఇది భూటియా తెగ వారి స్వదేశీ దేవతలు, దేవతలపై కలిగి ఉన్న లోతైన పాతుకుపోయిన తిరుగులేని విశ్వాసాన్నికి గురుతుగా ఈ నృత్యాన్ని జరుపు కుంటారు.ఈ విశిష్ట నృత్యం ద్వారా అన్ని భూతియా దేవుళ్లు, వారి మత గురువులను పూజిస్తారు, జరుపుకుంటారు. సికిమీస్ మహిళలు స్థానికంగా తయారు చేసిన ఆసక్తికరమైన, విస్తృతమైన శిరస్త్రాణాలను ధరించే నృత్యకారులు ప్రకృతి యొక్క ఆనందం, అందాన్ని కూడా జరుపుకుంటారు.[8]నిజానికి ఈ నృత్యం సిక్కిం లోని బుటియా వారి జానపద నృత్యం అని చెప్పాలి.[6]
తాషి యాంగ్కు నృత్యం
[మార్చు]తాషి యాంగ్కు భూమికి మంచి విధిని తెస్తుందని నమ్మారు. వరదలు, కొండచరియలు విరిగిపడడం, కరువులు, హిమపాతాలు మొదలైన సహజ దృగ్విషయాన్ని నియంత్రించగల దేవతగా అనేక మంది దేవుళ్లు కూడా ఉన్నారని భూటియా కమ్యూనిటీ నమ్ముతుంది. ఈ ప్రాంతంలో కొనసాగుతున్న శ్రేయస్సు, శాంతి కోసం తాషి యాంగ్కు నృత్యం దేవతలను ఉపశమనం చేస్తుందని ఇక్కడి ప్రజల ప్రగాఢ విశ్వాసం, నమ్మకం.[1] సహజమైన అనుగ్రహం, శ్రేయస్సు ప్రకటనలను అందించడం దేవతల చేతుల్లో ఉంది.ఆనావృష్టి, కరువురాకుండా దేవతలను ప్రసన్నం చేసుకోవడానికి, ఈ ప్రాంతంలో శ్రేయస్సు, గమనాన్ని కొనసాగిం చాలని ప్రార్థించడం కోసం ఉద్దేశించబడింది తాషి యాంగ్కు నృత్యం. పురోహితులు/ఋ షులు ఉచ్చరించే పవిత్ర శ్లోకాలు, కీర్తనలను అనుగుణ్యంగా నృత్యకారులు లయబద్ధంగా నర్తిస్తారు . తాషి యాంగ్కు భూమికి అదృష్టాన్ని తెస్తుందని నమ్ముతారు.[8]నిజానికి ఈ నృత్యం సిక్కిం లోని బుటియాల జానపద నృత్యం అని చెప్పాలి.[6]
ఖుకూరి నాచ్/నృత్యం
[మార్చు]ఖుకూరి అనే పేరు సిక్కింలో ధైర్యం అని అర్థం. ఇది తరచుగా ప్రాథమికంగా యోధుల నృత్యం, సైనికులు యుద్ధం కోసం కవాతు చేసే విధానాన్ని ప్రదర్శిస్తుంది. ప్రతి నర్తకి/నర్తకుడు విజయానికి సంకేతంగా ఖుకూరి ని తీసుకువెళ్తారు.[1]ఖుకూరి అనేది విజయాన్ని సూచించే చిన్న కత్తి. ఇది సాధారణంగా పదునైన బ్లేడ్లతో చెక్కిన చెక్కపిడి కలిగి ఉంటుంది. ఖుకూరి గూర్ఖా సంస్కృతిలో చాలా ముఖ్యమైన భాగం. గూర్ఖాలు ఖుకూరిని ఉపయోగించి తమ విజయాన్ని ప్రదర్శిస్తారు.ఇది దృఢత్వం మరి యు శక్తికి సంకేతం. ఖుకూరి యుద్ధాల్లో గెలిచి గూర్ఖాల గర్వాన్ని కాపాడిన యోధుల కోసం రూపొందిం చబడింది.[9] నిజానికి ఈ నృత్యం సిక్కిం లోని నేపాలీల జానపద నృత్యం అని చెప్పాలి.[6]
మారుని నృత్యం
[మార్చు]![](http://upload.wikimedia.org/wikipedia/commons/thumb/0/07/Maruni_Dance_Sikkim.jpg/200px-Maruni_Dance_Sikkim.jpg)
సిక్కిం వారు ప్రదర్శించే సిక్కింలోని పురాతన నృత్యాలలో మారుని నృత్యం ఒకటి. ఈ నృత్యాన్ని సిక్కిం కమ్యూనిటీ అలాగే వివాహాలు, జననాలు వంటి కుటుంబ వేడుకల సందర్భాలలో తీహార్ పండుగ సమయంలో ప్రదర్శిస్తారు.చెడుపై అద్భుతమైన విజయం అనే భావనను ఈ నృత్యం జరుపుకుంటారు. [1]సిక్కిం లో నేపాల్ జనాభా మెజారిటీకి గా వుంది, దీని సంస్కృతి, నమ్మకాలు, సంప్రదాయాలు ప్రస్తుతం ఉన్న సిక్కిం సంస్కృతితో అందంగా కలిసిపోయాయి. మారుని అత్యంత ప్రసిద్ధ నేపాల్ నృత్య రూపాలలో ఒకటి, ఇది కూడా ఈ ప్రాంతంలోని పురాతనమైనది. ఈ నృత్య రూపం ప్రధానంగా దీపావళి వంటి ప్రధాన పండుగలు, వివాహ కార్యక్రమాల వంటి ప్రత్యేక సందర్భాలలో ప్రదర్శించ బడుతుంది.మారుని నృత్య ప్రదర్శకులు ప్రధానంగా మగర్ కమ్యూనిటీ ప్రజలకు చెందినవారు, ఇది డార్జిలింగ్, అస్సాం, భూటాన్ ప్రజలలో కూడా ప్రసిద్ధి చెందింది. చెడుపై మంచి సాధించిన విజయాన్ని గుర్తుచేసుకోవడానికి నృత్యకారులు రంగురంగుల సాంప్రదాయ దుస్తులు, ఆభరణాలను ధరిస్తారు.నర్తకులతో పాటు గ్రాండ్ నేపాలీ నౌమతి బాజా ఆర్కెస్ట్రా ఉంది.[7]నిజానికి ఈ నృత్యం సిక్కిం లోని నేపాలీల జానపద నృత్యం అని చెప్పాలి.[6]
చట్కీ నాచ్/నృత్యం
[మార్చు]![](http://upload.wikimedia.org/wikipedia/commons/thumb/9/97/Chukey_Dance_Sikkim.jpg/200px-Chukey_Dance_Sikkim.jpg)
ఇది సిక్కిం ప్రజల యొక్క అత్యంత ప్రజాదరణ పొందిన జానపద నృత్యాలలో ఒకటి. యువతులు, అబ్బాయిలు ఈ నృత్యం చేస్తారు. ఈ నృత్య రూపం ప్రతి జాతర లేదా మేళా ఉత్సవాల్లో భాగం కావచ్చు.పిల్లలు తమ శరీరం, తలపై పువ్వులు ధరించి అనేక సంగీత వాయిద్యాల దరువులకు అనుగుణంగా నృత్యం చేస్తారు.[1]ఈ నృత్యాన్ని యువతులు, అబ్బాయిలు బహిరంగ ప్రదేశంలో చేస్తారు. సిక్కింలో ముఖ్యమైన రాష్ట్ర ఉత్సవం లేదా మేళా జరిగినప్పుడల్లా చట్కీ నాచ్ ఉత్సవాల్లో భాగం అవుతుంది. ఇది నిజంగా ఆనందం, యువత అందాన్ని సూచించే సంతోషకరమైన నృత్యం.[8]నిజానికి ఈ నృత్యం సిక్కిం లోని నేపాలీల జానపద నృత్యం అని చెప్పాలి.[6]
ఇవికూడా చదవండి
[మార్చు]మూలాలు
[మార్చు]- ↑ 1.00 1.01 1.02 1.03 1.04 1.05 1.06 1.07 1.08 1.09 "folk dances of sikkim". lifestylefun.net. Retrieved 2024-02-14.
- ↑ "Chu Faat Dance – Festive Folk Dance of the Lepcha Tribe". auchitya.com. Retrieved 2024-02-14.
- ↑ "folk Dances of sikkim". indianetzone.com. Retrieved 2024-02-14.
- ↑ "Folk Dances of Sikkim". culturesofsikkim.blogspot.com. Retrieved 2024-02-14.
- ↑ "Folk Dances of Sikkim with Pictures". kmatkerala.in. Retrieved 2024-01-31.
- ↑ 6.0 6.1 6.2 6.3 6.4 6.5 6.6 "Folk dances of sikkim". culturesofsikkim.blogspot.com. Retrieved 2024-01-31.
- ↑ 7.0 7.1 "Traditional Folk Dance of Sikkim". namasteindiatrip.org. Retrieved 2024-02-14.
- ↑ 8.0 8.1 8.2 "Folk dances of sikkim". bihargatha.in. Retrieved 2024-01-31.
- ↑ "Khukuri dance-gurkha Folk dance". auchitya.com. Retrieved 2024-01-31.