రామనారాయణ

రామనారాయణ
2014లో రామనారాయణన్
జననం	(1949-04-03)1949 ఏప్రిల్ 3 కారైకుడి, తమిళనాడు, భారతదేశం
మరణం	2014 జూన్ 22(2014-06-22) (వయసు: 65) సింగపూర్
వృత్తి	దర్శకుడు నిర్మాత
క్రియాశీల సంవత్సరాలు	1981–2013
పిల్లలు	2

రామనారాయణ లేదా రామనారాయణన్ (1949-2014) ఒక భారతీయ చలనచిత్ర దర్శకుడు, నిర్మాత. ఇతడు తెలుగు, తమిళ, కన్నడ, ఒరియా, బెంగాలీ, మరాఠీ, గుజరాతీ, భోజ్‌పురి, మలయ్ మొదలైన 9 భాషలలోని చలనచిత్రాలకు దర్శకత్వం వహించాడు.

జీవిత విశేషాలు

ఇతడు 1949, ఏప్రిల్ 3వ తేదీన తమిళనాడు రాష్ట్రంలోని కారైకుడిలో జన్మించాడు. ఇతడు సినిమాలలో పాటలు వ్రాయాలనే ఉద్దేశంతో మద్రాసు లోనికి కాలుమోపాడు కానీ సంభాషణల రచయితగా సినిమాలలో అడుగు పెట్టాడు. తన మిత్రుడు ఎం.ఎ.ఖాజాతో కలిసి రామ్‌-రహీమ్‌ పేరుతో జంటగా తమిళ సినిమాలకు సంభాషణలు వ్రాశాడు. 1976లో తొలిసారి ఇతడు ఆశై అరుబదు నాళ్ అనే సినిమాకు కథ, స్క్రీన్‌ప్లే, సంభాషణలు వ్రాశాడు. 1977లో మీనాక్షి కుంకుమమ్ అనే సినిమాతో నిర్మాతగా మారాడు. 1981లో సుమై అనే సినిమాకు మొదటిసారి దర్శకత్వం వహించాడు. ఇతడు మొత్తం 9 భాషలలో 125కుపైగా సినిమాలకు పనిచేశాడు. 1980వ దశకంలో ఎక్కువగా జంతువులు ప్రధాన పాత్రలుగా ఉన్న సినిమాలు తీశాడు. 1990లలో భక్తి సినిమాలు తీశాడు. ఇతని సినిమాలు తెలుగు, హిందీతో సహా పలు భారతీయ భాషలలోనికి డబ్ చేయబడ్డాయి. ఇతడు తమిళ సినిమా నిర్మాతల మండలికి వరుసగా మూడుసార్లు అధ్యక్షుడిగా ఉన్నాడు. 1989లో కారైకుడి నియోజకవర్గం నుండి తమిళనాడు శాసనసభకు ఎన్నికైనాడు. 1996లో "తమిళనాడు ఐయల్ ఇసై నాటక మన్రమ్"‌ కు అధ్యక్షునిగా నియమితుడైనాడు. తమిళనాడు రాష్ట్రప్రభుత్వం ఇతడిని కళైమామణి పురస్కారంతో సత్కరించింది. ఇతడు కిడ్నీ సంబంధిత వ్యాధితో బాధపడుతూ తన 65వ యేట 2014, జూన్ 22న సింగపూర్‌లో మరణించాడు.

సినిమాలు

రామనారాయణ తీసిన తెలుగు సినిమాల పాక్షిక జాబితా:

సంవత్సరం	సినిమా పేరు	పాత్ర				వివరాలు
		దర్శకత్వం	కథ	స్క్రీన్ ప్లే	నిర్మాత
1980	పున్నమినాగు		Y
1982	అత్తకు తగ్గ అల్లుళ్ళు	Y
1982	న్యాయ పొరాటం	Y
1984	కోడలు దిద్దిన కాపురం	Y				మనైవి సొల్లె మందిరం అనే తమిళ సినిమా డబ్బింగ్
1984	ఛాలెంజ్ దొంగలు	Y
1984	పగ పట్టిన పులి	Y
1984	సకల కళా ప్రియుడు	Y				తీరద విలాయత్తు పిళ్ళై అనే తమిళ సినిమా డబ్బింగ్
1985	కేటుగాళ్ళకు సవాల్	Y
1985	చిలిపి యవ్వనం	Y
1985	ఛాలెంజ్ కిలాడీ	Y
1985	దెయ్యాల మేడ	Y
1985	మావూరి మొనగాళ్ళు	Y
1985	రాధ మాధవి	Y
1986	నాగదేవత	Y	Y	Y
1986	మారుతి		Y	Y
1986	రణధీరుడు	Y
1987	నాగపూజా ఫలం	Y
1990	లక్ష్మి దుర్గ	Y
1990	శ్రావణ శుక్రవారం	Y
1991	కొండవీటి ఖైది	Y
1991	గంగ	Y
1991	నరహరి మురహరి	Y
1991	నాగమ్మ	Y			Y
1991	ముద్దుల మరదలు	Y
1991	శ్రావణ మాసం	Y
1991	సింధూర దేవి	Y
1992	గోమాతవ్రతం	Y
1992	గౌరమ్మ	Y	Y	Y
1992	నాగబాల	Y
1993	దుర్గ అనుగ్రహం	Y			Y
1993	మావారికి పెళ్ళి	Y
1993	శాంభవి	Y
1993	శివరాత్రి	Y
1998	జగదీశ్వరి	Y
1999	గురు పౌర్ణమి	Y			Y
2000	తిరుమల తిరుపతి వెంకటేశ		Y			తిరుపతి ఎళుమలై వెంకటేశ అనే తమిళ సినిమా రీమేక్
2000	దేవత	Y
2000	మహాదేవి	Y
2002	అమ్మోరు తల్లి	Y
2003	అల్లరి గజేంద్రుడు	Y
2010	కారా మజాకా	Y	Y	Y	Y	తమిళంలో కుట్టి పిశాసు, కన్నడలో బొంబాట్ కార్ అనే పేర్లతో ఒకే సారి నిర్మించారు.

బయటిలింకులు

• ఇంటర్నెట్ మూవీ డేటాబేసు లో రామనారాయణ పేజీ