పంపా సరోవర్
| పంపా సరోవర్ | |
|---|---|
 | |
  పంపా సరోవర్ | |
| ప్రదేశం | కర్ణాటక |
| అక్షాంశ,రేఖాంశాలు | 15°21′13.55″N 76°28′38.55″E / 15.3537639°N 76.4773750°E |
| స్థానిక పేరు | ಪಂಪ ಸರೋವರ (Kannada) |
| ప్రవహించే దేశాలు | భారతదేశం |
పంపా సరోవర్ కర్ణాటకలోని హంపికి సమీపంలో ఉన్న కొప్పల్ జిల్లాలోని ఒక సరస్సు. దీనిని హిందువులు పవిత్రంగా భావిస్తారు. ఇది భారతదేశంలోని ఐదు పవిత్ర సరోవర్ లలో ఒకటి. హిందూ వేదాంతశాస్త్రం ప్రకారం, ఐదు పవిత్ర సరోవర్ లను కలిపి సమిష్టిగా పంచ సరోవర్ అంటారు. మానస సరోవర్, బిందు సరోవర్, నారాయణ్ సరోవర్, పంపా సరోవర్, పుష్కర్ సరోవర్. శ్రీమద్ భాగవత పురాణంలో కూడా వీటి ప్రస్తావన ఉంది. హిందూ గ్రంథాలలో పంపా సరోవర్ శివుని భార్య అయిన పార్వతి శివుని పట్ల భక్తిని చూపించడానికి తపస్సు చేసిన ప్రదేశంగా పరిగణించబడుతుంది. రాముడి రాక కోసం శబరి అనే రామ భక్తురాలు ఇక్కడే ఎదురు చూసింది అని ఇతిహాసాలు చెబుతున్నాయి.[1]
భౌగోళికం
[మార్చు]పంపా సరోవర్ కొత్తపేట నుండి ఆనెగుందికి వెళ్లే రహదారిపై కొండల మధ్య దాగి ఉంది. ఈ సరస్సు పద్మాలతో నిండి ఉంటుంది. అక్కడ ఒక లక్ష్మి దేవి ఆలయం ఉంది. అలాగే దీనికి అభిముఖంగా ఒక శివాలయం ఉంది. చెరువు పక్కన, ఒక మామిడి చెట్టు కింద ఒక చిన్న గణేష్ మందిరం ఉంది.[2]
రామాయణం లో పంపా సరోవర్ ప్రస్తావన
[మార్చు]రామాయణంలో, పంపా సరోవర్ ను రిషి మాతంగ శిష్యురాలైన శబరి నివసించే ప్రదేశంగా ప్రస్తావించబడింది. అలాగే రాముడు రావణుడి నుండి తన భార్య సీతను విముక్తి చేయాలనే తపనతో దక్షిణ దిశగా పయనించినప్పుడు పంపా సరోవరం ప్రస్తావించబడింది. కథ ప్రకారం, శబరి ఒక రామ భక్తురాలు, రాముడిని చూడటానికి ప్రతిరోజూ భక్తితో ప్రార్ధించేది. ఆమె హంపిలోని మాతంగ పర్వతం అని పిలవబడే ప్రదేశంలో తన గురువు మాతంగ ఆశ్రమంలో నివసించేది. గురువు మాతంగ చనిపోయే ముందు, శబరి ఆమెతో ఖచ్చితంగా రాముడిని చూస్తానని చెప్పింది. ఆమె మరణం తరువాత, శబరి రాముడి కోసం ఆశ్రమంలో నివసించడం ప్రారంభించింది. చాలా సంవత్సరాలు గడిచాయి. శబరి వృద్ధురాలిగా మారింది. చివరికి రాముడు ఆ ప్రదేశానికి వచ్చి లంకకు ప్రయాణించేటపుడు ఆ ఆశ్రమంలో ఆగిపోయాడు. ఆమె రాముడికి, అతని సోదరుడు లక్ష్మణుడికి ఆహారం ఇచ్చింది. ఆమె భక్తికి మెచ్చి రాముడు, లక్ష్మణుడు ఆమె పాదాలకు నమస్కరించారు. అప్పుడు, సీత జాడ గురించిన సంఘటనను వారు ఆమెకు వివరించగా, పంపా సరస్సు సమీపంలో దక్షిణాన నివసించే వానర రాజ్యానికి చెందిన హనుమంతుడు, సుగ్రీవుల సహాయం కోరమని శబరి సూచించింది. రాముడు పంపా సరస్సులో పవిత్ర స్నానం చేసి బయల్దేరుతాడు.[3]
ఇవి కూడా చూడండి
[మార్చు]మూలాలు
[మార్చు]- ↑ [1] Encyclopaedia of tourism resources in India, Volume 2 By Manohar Sajnani
- ↑ "Mythology of Hampi". hampi.in. Archived from the original on 31 December 2007. Retrieved 28 December 2007.
- ↑ "Pampa Sarovar". hampi.in. Archived from the original on 2011-03-01. Retrieved 2021-09-04.