నాగర్కర్నూల్ ప్రభుత్వ వైద్య కళాశాల
 కళాశాల ప్రధాన భవనం | |
| రకం | ప్రభుత్వ వైద్య విద్య |
|---|---|
| స్థాపితం | 2021 |
| అనుబంధ సంస్థ | కాళోజి నారాయణరావు ఆరోగ్య విజ్ఞాన విశ్వవిద్యాలయం |
| విద్యార్థులు | 150 |
| స్థానం | ఉయ్యాలవాడ, నాగర్కర్నూల్ జిల్లా, తెలంగాణ, భారతదేశం |
 | |
నాగర్కర్నూల్ ప్రభుత్వ వైద్య కళాశాల, తెలంగాణ రాష్ట్రం, నాగర్కర్నూల్ జిల్లా, నాగర్కర్నూల్ పట్టణ సమీపంలోని ఉయ్యాలవాడ గ్రామంలో ఉన్న ప్రభుత్వ వైద్య కళాశాల. గ్రామీణ ప్రజల ఆరోగ్యంపై ప్రత్యేక దృష్టి సారించి ఔత్సాహిక వైద్య విద్యార్థులకు వైద్య పరిజ్ఞానాన్ని అందించేందుకు తృతీయ స్థాయి ఆరోగ్య సంరక్షణను మెరుగుపరచడానికి ప్రతి జిల్లాలో ఒక వైద్య కళాశాల ఉండాలన్న ముఖ్యమంత్రి కల్వకుంట్ల చంద్రశేఖర్ రావు ఆలోచనతోతెలంగాణ ప్రభుత్వం 2021లో ఈ ప్రభుత్వ వైద్య కళాశాలను ప్రారంభించింది. ఇది కాళోజి నారాయణరావు ఆరోగ్య విజ్ఞాన విశ్వవిద్యాలయానికి అనుబంధ కళాశాలగా ఉంది. నేషనల్ మెడికల్ కమిషన్ నుండి 2022-23 విద్యా సంవత్సరానికి 150 ఎంబిబిఎస్ సీట్లకు అనుమతి లేఖను అందుకుంది.[1]
ప్రాంగణం
[మార్చు]23 ఎకరాల స్థలంలో 38 కోట్ల రూపాయలతో నిర్మించబడిన ఈ కళాశాల భవనంలో ప్రయోగశాలలు, గ్రంథాలయం, వసతిగృహాలు మొదలైన మౌలిక సదుపాయాలు ఉన్నాయి.[2]
ఆసుపత్రి
[మార్చు]330 పడకలతో ఉన్న ప్రభుత్వ జనరల్ హాస్పిటల్ కు అనుబంధంగా ఈ వైద్య కళాశాల ఏర్పాటు చేయబడింది. నాగర్కర్నూల్ జిల్లాలోని 25 కంటే ఎక్కువ గ్రామాల, నల్లమల అటవీ శ్రేణుల చుట్టుపక్కల సుదూర ప్రాంతాల ప్రజలకు సమర్థవంతమైన వైద్య సంరక్షణను అందజేస్తున్న ఒక అప్‌గ్రేడ్ ఏరియా ఆసుపత్రి.[3]
కోర్సులు - శాఖలు
[మార్చు]- అనాటమీ
- ఫార్మాకాలజీ
- ఫిజియోలాజీ
- బయోకెమిస్ట్రీ
- పాథాలజీ
- మైక్రోబయోలాజీ
- ఫోరెన్సిక్ మెడిసిన్
- జెనరల్ సర్జరీ
- ఆర్థోపెడిక్స్
- ఓటో-రైనో-లారిగోలజీ
- ఆప్తాల్మోలజీ
- జనరల్ మెడిసిన్
- టిబి & ఆర్‌డి
- డివిఎల్
- సైకియాట్రీ
- పీడియాట్రిక్స్
- ఓబిజీ
- అనస్థీషియాలజీ
- కమ్యూనిటీ మెడిసిన్
- రేడియోడియాగ్నోసిస్
- ట్రాన్స్‌ఫ్యూషన్ మెడిసిన్
- టీబీసీడీ
- సీటీ సర్జరీ
- న్యూరో సర్జరీ
- న్యూరాలజీ
- ప్లాస్టిక్‌ సర్జరీ
- యూరాలజీ
- గాస్ట్రోఎంట్రాలజీ
- ఎండోక్రైనాలజీ
- నెఫ్రాలజీ
- కార్డియాలజీ
- ఫిజికల్‌ మెడిసిన్ అండ్‌ రిహాబిలిటేషన్
- ఈఎన్‌టీ
- ఆప్తల్
- అనస్తీషియా
- డెంటల్
సిబ్బంది
[మార్చు]వీటిలో 15 ప్రిన్సిపల్, 15 వైస్‌ ప్రిన్సిపల్ కమ్‌ ప్రొఫెసర్, 105 ప్రొఫెసర్, 180 అసిస్టెంట్ ప్రొఫెసర్, 300 లెక్చరర్, 15 అడ్మినిస్ట్రేటివ్‌ ఆఫీసర్, 15 ఆఫీస్ సూపరింటెండెంట్, 30 సీనియర్‌ అసిస్టెంట్, 15 లైబ్రేరియన్, 30 జూనియర్‌ అసిస్టెంట్ పోస్టులు ఉన్నాయి.[4] వీటితోపాటు ఈ వైద్య కళాశాలో విధులు నిర్వహించేందుకు కంప్యూటర్ ఆపరేటర్లు, ఆఫీస్ సబార్డినేటర్లు, ల్యాబ్ అటెండెంట్, రికార్డింగ్ అసిస్టెంట్, థియేటర్ అసిస్టెంట్ వంటి 33 పోస్టులు కేటాయించబడ్డాయి.
తరగతుల ప్రారంభం
[మార్చు]ఇందుకోసం 12మంది ప్రొఫెసర్లు, 20మంది అసిస్టెంట్ ప్రొఫెసర్లు నియమించబడ్డారు.[5] 2022 నవంబరు 15 నుండి ఎంబీబీఎస్‌ మొదటి సంవత్సరం తరగతులు ప్రారంభమయ్యాయి. ప్రగతి భవన్ వేదికగా ఆన్‌లైన్ ద్వారా ఒకేసారి 8 వైద్య కళాశాలల ఎంబిబిఎస్ మొదటి సంవత్సరం తరగతులను సీఎం కేసీఆర్ ప్రారంభించి వైద్యరంగంలో గుణాత్మక మార్పుకు, దేశ వైద్యరంగంలోనే నూతన అధ్యాయానికి నాందిపలికాడు.[6]
ఇవికూడా చూడండి
[మార్చు]మూలాలు
[మార్చు]- ↑ "150-seat medical college for Nagarkurnool". The New Indian Express. 2022-08-07. Archived from the original on 2022-08-08. Retrieved 2022-11-02.
- ↑ "Nagarkurnool: అందుబాటులోకి వచ్చిన మెడికల్ కళాశాల: ఈ ఏడాది నుంచే అడ్మిషన్లు ప్రారంభం". News18 Telugu. 2022-08-16. Archived from the original on 2022-11-02. Retrieved 2022-11-02.
- ↑ "Nagarkurnool Government Medical College (About Us)". gmcnagarkurnool (in ఇంగ్లీష్). 2022-05-03. Archived from the original on 2022-11-02. Retrieved 2022-11-02.
- ↑ "7 కొత్త వైద్య కళాశాలల్లో 7,007 పోస్టులు". Sakshi. 2021-06-25. Archived from the original on 2021-06-25. Retrieved 2022-11-07.
- ↑ "నాగర్కర్నూల్ వైద్య కళాశాలలో తరగతుల నిర్వాహణకు అనుమతి". EENADU. 2022-08-07. Archived from the original on 2022-11-02. Retrieved 2022-11-02.
- ↑ telugu, NT News (2022-11-15). "మెడికల్ కాలేజీలను ప్రారంభించిన సీఎం కేసీఆర్". www.ntnews.com. Archived from the original on 2022-11-15. Retrieved 2022-11-16.