నమో నారాయణ్ మీనా
Namo Narain Meena | |
|---|---|
.jpg) | |
| Union Minister of State for Finance | |
| In office 28 May 2009 – 26 May 2014 | |
| అధ్యక్షుడు | A. P. J. Abdul Kalam Pratibha Patil |
| ప్రధాన మంత్రి | Manmohan Singh |
| Union Minister of State for Environment and Forests | |
| In office 23 May 2004 – 22 May 2009 | |
| అధ్యక్షుడు | Pratibha Patil Pranab Mukherjee |
| ప్రధాన మంత్రి | Manmohan Singh |
| వ్యక్తిగత వివరాలు | |
| జననం | 1943 డిసెంబరు 24 Bamanwas, Sawai Madhopur, Rajasthan |
| రాజకీయ పార్టీ | INC |
| జీవిత భాగస్వామి | Kesar Meena |
| సంతానం | 1 son and 4 daughters |
| నివాసం | Bamanwas |
| As of 17 August, 2008 Source: [1] | |
నమో నారాయణ్ మీనా (జననం 1943 డిసెంబరు 24 ) రాజస్థాన్ రాష్ట్రానికి చెందిన భారత జాతీయ కాంగ్రెస్ చెందిన భారతీయ రాజకీయవేత్త. అతను సవాయి మాధోపూర్ నియోజకవర్గానికి ప్రాతినిధ్యం వహిస్తున్న 14వ లోక్‌సభ సభ్యుడు, టోంక్-సవాయి మాథోపూర్ నియోజకవర్గానికి ప్రాతినిథ్యం వహిస్తున్న 15వ లోక్‌సభ సభ్యుడు.[1] 2004-2009 మధ్య యుపిఎ-1 ప్రభుత్వంలో పర్యావరణ, అటవీ శాఖ సహాయ మంత్రిగా, 2009-2014 మధ్య యుపిఎ 2 ప్రభుత్వంలో ఆర్థిక మంత్రిత్వ శాఖ వ్యయం, బ్యాంకింగ్, బీమా శాఖ సహాయ మంత్రి గా పనిచేశాడు.[2]
పోలీసు వృత్తి
[మార్చు]నమో నారాయణ్ మీనా 1969 బ్యాచ్ రాజస్థాన్ కేడర్‌కు చెందిన ఇండియన్ పోలీస్ సర్వీస్ అధికారిగా పనిచేశాడు. అసిస్టెంట్ సూపరింటెండెంట్ ఆఫ్ పోలీసుగా తన వృత్తిని ప్రారంభించిన అతను 1969 నుండి 1973 వరకు పనిచేశాడు. 1973-1987 మధ్య పోలీసు సూపరింటెండెంట్, 1987-1993 మధ్య డిప్యూటీ ఇనస్పెక్టరు జనరల్‌గా, 1993-1999 మధ్య ఇనస్పెక్టరు జనరల్‌ ఆఫ్ పోలీస్, 1999-2003 మధ్య రాజస్థాన్ పోలీసు అదనపు డైరెక్టర్ జనరల్‌గా పదవీ విరమణ చేశాడు. పదవీ విరమణ తరువాత, అతను 2003లో రాజస్థాన్ రాష్ట్ర మానవ హక్కుల కమిషన్ సభ్యుడిగా నియమించబడ్డాడు, 2004 మార్చి 22న రాజీనామా చేసే వరకు సభ్యుడిగా కొనసాగాడు.
ఐపిఎస్ అధికారిగా సుదీర్ఘమైన, ప్రముఖమైన వృత్తి జీవితంలో, అతనికి ప్రతిష్టాత్మక ప్రెసిడెన్షియల్ పోలీస్ మెడల్ (పిపిఎం), ప్రెసిడెంట్స్ డిస్టింగ్విష్డ్ సర్వీస్ మెడల్ (పిడిఎస్ఎం) లభించాయి.
రాజకీయ జీవితం
[మార్చు]ఆర్ఎస్ఎచ్ఆర్‌సి సభ్యత్వానికి రాజీనామా చేసిన తరువాత, నమో నారాయణ్ మీనా భారత జాతీయ కాంగ్రెస్ పార్టీలో చేరి, 2004 సార్వత్రిక ఎన్నికలలో రాజస్థాన్ లోని సవాయి మాధోపూర్ నియోజకవర్గం నుండి పోటీ చేయడానికి నామినేట్ అయ్యాడు. అతను సిట్టింగ్ పార్లమెంటు సభ్యుడు, కేంద్ర మంత్రి జస్కౌర్ మీనా ను 1,11,163 ఓట్ల తేడాతో ఓడించాడు. ఎన్నికైన తరువాత, 2004 మే 22న మన్మోహన్ సింగ్ ప్రధాన మంత్రిగా ఉన్న తొలి మంత్రివర్గంలో పర్యావరణ, అటవీ శాఖ సహాయ మంత్రిగా చేర్చుకొని 2009 మే 23 వరకు పనిచేశాడు.
2009 సార్వత్రిక ఎన్నికలలో, అతను టోంక్-సవాయ్ మాధోపూర్ నియోజకవర్గం నుండి పోటీ చేసి, తన సమీప ప్రత్యర్థి, భారతీయ జనతా పార్టీ అభ్యర్థి కిరోరి సింగ్ బైన్స్‌లా 317 ఓట్ల స్వల్ప తేడాతో ఓడించాడు. తిరిగి ఎన్నికైన తరువాత, అతను కేంద్ర మంత్రివర్గానికి తిరిగి నియమించబడ్డాడు. 2009 మే 28న ఆర్థిక మంత్రిత్వ శాఖ సహాయ మంత్రిగా నియమితులైన అతను 2014 మే 26 వరకు పదవిలో కొనసాగారు.
2014 సార్వత్రిక ఎన్నికలలో దౌసా నియోజకవర్గం నుండి పోటీ చేయడానికి భారత జాతీయ కాంగ్రెస్ అతనిని నామినేట్ చేసింది, అయితే అతను బిజెపి అభ్యర్థి, అతని సోదరుడు హరీష్ మీనా చేతిలో ఓడిపోయాడు, తరువాత 2018లో కాంగ్రెస్ పార్టీలో చేరాడు. 2019 సార్వత్రిక ఎన్నికల్లో టోంక్-సవాయ్ మాధోపూర్ సీటు నుంచి పోటీ చేసిన అతను సిట్టింగ్ ఎంపీ, బీజేపీ అభ్యర్థి సుఖ్బీర్ సింగ్ జౌనాపురియా చేతిలో ఓడిపోయాడు.
వ్యక్తిగత జీవితం
[మార్చు]నమో నారాయణ్ మీనా కేసర్ మీనాను వివాహం చేసుకున్నాడు. వారికి ఒక కుమారుడు, నలుగురు కుమార్తెలు ఉన్నారు. 2014లో దౌసా లోక్‌సభ స్థానం నుంచి తనను ఓడించి, ఆ తర్వాత 2018లో కాంగ్రెస్ పార్టీలో చేరిన హరీష్ మీనా సోదరుడు, ప్రస్తుతం రాజస్థాన్ శాసనసభ సభ్యుడిగా పనిచేస్తున్నాడు.
పురస్కారాలు
[మార్చు]మూలాలు
[మార్చు]- ↑ Shri Namo Narain Meena – Members of Parliament (Lok Sabha) – Who's Who – Government: National Portal of India. India.gov.in. Retrieved on 2012-08-25.
- ↑ The Minister of State (EB&I): Ministry of Finance, Government of India. Finmin.nic.in. Retrieved on 2012-08-25.