తైదల అంజయ్య

తైదల అంజయ్య
జననం	తైదల అంజయ్య జులై 6, 1975 కరీంనగర్ జిల్లా, కోహెడ మండలం, నాగసముద్రాల గ్రామం, తెలంగాణ
నివాస ప్రాంతం	కోహెడ మండలం, నాగసముద్రాల గ్రామం, తెలంగాణ
వృత్తి	కవి, రచయిత.

స్వతంత్ర భారత వజ్రోత్సవాల సందర్భంగా 2021, ఏప్రిల్ 3న హైదరాబాదులోని రవీంద్రభారతిలో జరిగిన ఆజాది కా కవి సమ్మేళన కార్యక్రమంలో తెలంగాణ ప్రభుత్వ భాషా సాంస్కృతిక శాఖ సంచాలకుడు డా. మామిడి హరికృష్ణ చేత సత్కారం అందుకుంటున్న తైదల అంజయ్య

తైదల అంజయ్య (జననం: జులై 6, 1975) తెలంగాణ కు చెందిన కవి, రచయిత.

బాల్యం, విద్యాభ్యాసం

తైదల అంజయ్య 1975, జులై 6 న ఆనాటి కరీంనగర్ జిల్లా, కోహెడ మండలం లోని నాగసముద్రాల గ్రామం లో మల్లవ్వ, రాజయ్య దంపతులకు జన్మించారు. చిన్నపటి నుండే సాహిత్యం పై మక్కువ పెంచుకున్నారు. యం ఎస్సి(ఫిజిక్స్ ) బీఈడీ , యం ఏ (తెలుగు) లో పట్టభద్రులు అయ్యారు.

జీవిత విశేషాలు

2017 ఉగాది కవి సమ్మేళనంలో కవిత్వ పఠనం చేస్తున్న తైదల అంజయ్య

డిగ్రీ చదువుతున్న రోజుల్లో ప్రముఖ కవి నందిని సిద్ధారెడ్డి గారి రచనకు, సాహిత్యానికి ఆకర్షితులయ్యారు. వార్త, ఆంధ్రజ్యోతి, సూర్య తదితర పత్రికల్లో ఇతని కవితలు ప్రచురితమయ్యాయి . చిక్కనవుతున్న పాట అనే కవిత సంకలనం లో ఇతను రచించిన కవిత చాటింపు పేరుతో ప్రచురితమైనది. 2006 లో వెలువరించిన పునాస కవిత సంపుటానికి రంజని కుందుర్తి ప్రశంసా పత్రం అందుకున్నారు. మంజీరా రచయితల సంఘానికి ప్రధాన కార్యదర్శిగా ఉన్నారు.

కవిత సంపుటాలు

2017 ఉగాది కవి సమ్మేళనంలో కవిత్వ పఠనం చేస్తున్న తైదల అంజయ్య

• పునాస - 2006
• ఎర్రమట్టిబండి - 2012

రచనలు

• చాటింపు
• పొక్కిలి
• మత్తడి
• ఎడపాయాలు

పురస్కారాలు

• రంజని కుందుర్తి ప్రశంసా పత్రం-1998
• రంగినేని ట్రస్ట్ రాష్ట్ర స్థాయి అవార్డు - 2007
• ఉమ్మడిశెట్టి సాహితీ అవార్డు - 2007
• భారతీయ దళిత సాహిత్య అవార్డు-2009
• 56-ఫౌండషన్ అవార్డు - 2010
• సినారే అవార్డు - 2014
• సదాశివుడు స్మారక అవార్డు - 2016
• మిషన్ కాకతీయ మీడియా అవార్డు - 2016
• సిద్ధిపేట జిల్లా ఉత్తమ కవి అవార్డు -2017