ఆఫ్ స్పిన్
| ఈ సీరీస్‌లో భాగం |
| బౌలింగు పద్ధతులు |
|---|
ఆఫ్ స్పిన్ అనేది క్రికెట్లో ఒక రకమైన వేళ్ళతో స్పిన్ చేసే బౌలింగు. ఈ పద్ధతిని ఉపయోగించే బౌలర్‌ను ఆఫ్ స్పిన్నర్ అంటారు. ఆఫ్ స్పిన్నర్లు కుడిచేతి వాటం స్పిన్ బౌలర్లు. వారు బంతిని స్పిన్ చేయడానికి వేళ్లను ఉపయోగిస్తారు. వారి సాధారణ డెలివరీ ఆఫ్ బ్రేక్. [1] పిచ్‌పై బంతి బౌన్స్ అయ్యాక, ఎడమ నుండి కుడికి (బౌలరు వైపు నుండి చూస్తే) తిరుగుతుంది. కుడిచేతి వాటం బ్యాటరుకు, ఇది ఆఫ్ సైడ్ నుండి లెగ్ సైడ్ వైపు పోతుంది (అంటే కుడిచేతి వాటం బ్యాటరు మీదికి లేదా ఎడమచేతి వాటం బ్యాటరు నుండి దూరంగా). బంతి ఆఫ్ సైడ్ నుండి బ్రేక్ అయి పోతుంది కాబట్టి, [2] దీనికి 'ఆఫ్ బ్రేక్' అని పేరు వచ్చింది.
ఆఫ్ స్పిన్నర్లు ఎక్కువగా ఆఫ్ బ్రేక్‌లను బౌలింగ్ చేస్తారు, డెలివరీల లైన్‌ను, లెంగ్తునూ మారుస్తూ బంతుల్లో వైవిధ్యాన్ని తీసుకొస్తారు. ఆఫ్ స్పిన్నర్లు విభిన్నంగా స్పిన్నయ్యే ఇతర రకాల డెలివరీలను కూడా వేస్తారు. స్పిన్‌లో ఈ వైవిధ్యాలను పక్కన పెడితే, ఆఫ్ స్పిన్నరుకు బంతి వేగం, లెంగ్తు, ఫ్లైట్ మారడం కూడా ముఖ్యమైనవి.
టెస్ట్ మ్యాచ్‌లు, వన్‌డేల చరిత్రలో అత్యధిక వికెట్లు తీసిన బౌలరు ముత్తయ్య మురళీధరన్ ఆఫ్ స్పిన్నరే. [3]
చరిత్ర
[మార్చు]ఇప్పుడు చాలా అరుదుగా ఉన్నప్పటికీ, గతంలో బౌలర్లు ఆఫ్-బ్రేక్ చర్యను ఉపయోగించేవారు. వారు ఉద్దేశపూర్వకంగా బంతిని పెద్దగా స్పిన్ చేయకుండా వేస్తారు. బ్యాటరును నిస్పృహ పరచేందుకు లైను, లెంగ్తులపై (లేదా వేగ వైవిధ్యాలు కూడా)పై ఆధారపడతారు. వారు బ్యాటరు గట్టిగా షాట్ కొట్టలేని ప్రాంతంలో బంతిని వేస్తారు. బ్యాటరు క్రీజులో కదిలుతూంటే దాన్ని బట్టి చివరి క్షణంలో సర్దుబాట్లు కూడా చేసుకుంటారు. ఇది ప్రాథమికంగా రక్షణాత్మక బౌలింగు శైలి. అయితే, వికెట్లు సాధించడానికి, బ్యాటరును దురుసుగా ఆడేందుకు ప్రలోభపెట్టేలా వేయడం లేదా స్టంప్సు మీదికి నేరుగా బౌలింగ్ చేస్తారు. వికెట్ తీసుకునే మరొక పద్ధతి ఏమిటంటే, బంతిని సాధారణం కంటే ఎక్కువ స్పిన్ చెయ్యడం.
అయితే, పరిమిత ఓవర్ల క్రికెట్లో మరింత సాహసోపేతమైన బ్యాటింగు పద్ధతులను అవలంబిస్తున్నందున, ఈ తరహా బౌలింగ్ క్షీణించింది. అయితే కొంతమంది ఆఫ్-స్పిన్నర్లు పిచ్‌పై పెద్దగా టర్న్ లేనపుడు ఈ వ్యూహాన్ని ఉపయోగిస్తారు. కేన్ విలియమ్సన్ పరిమిత ఓవర్ల ఫార్మాట్‌లో అప్పుడప్పుడు బౌలింగ్ చేసినప్పుడు ఈ వ్యూహాన్ని ఉపయోగిస్తాడు. ఎందుకంటే అతని బౌలింగ్ శైలి ఫ్లాట్‌గా, వేగంగా ఉంటుంది.
ఇతర రకాల స్పిన్ బౌలింగ్‌తో పోలిక
[మార్చు]
ఆఫ్ స్పిన్, లెగ్ స్పిన్‌లలో తేడా ఏంటంటే, లెగ్ స్పిన్‌లో బంతి లెగ్ నుండి ఆఫ్ వైపుకు తిరుగుతుంది. ఇది చాలా భిన్నమైన యాక్షనుతో (మణికట్టు స్పిన్) బౌల్ చేస్తారు.[4] సాధారణంగా ఆఫ్ స్పిన్ వేయడం లెగ్ స్పిన్ కంటే తక్కువ కష్టంగా పరిగణిస్తారు. ఎందుకంటే ఆఫ్ బ్రేక్‌లు సాధారణంగా లెగ్ బ్రేక్‌ల కంటే తక్కువగా స్పిన్ అవుతాయి. లెగ్ బ్రేక్‌లకు ఉండే లూపు, మోసపూరితమైన ఫ్లైటు వీటికి ఉండవు. దానికి తోడు, ఆఫ్ స్పిన్‌లో ఎక్కువ వైవిధ్యమైన బంతులుండవు. ఆఫ్ స్పిన్‌లో బంతి, కుడిచేతి వాటం బ్యాటరు శరీరం మీదికి పోతుంది. అంటే బ్యాట్‌ బంతిని మిస్సైతే, లేదా అంచుకు తగిలినా బ్యాటరు కాళ్లు బంతి మార్గంలో ఉంటాయి. దీనివలన బ్యాటరును బౌల్డ్ చేయడం, లేదా ఆఫ్ బ్రేక్ నుండి క్యాచ్ ఇవ్వడం బౌలర్‌కు కష్టతరం చేస్తుంది. అయితే లెగ్ స్టంప్‌ను మిస్ అయ్యేంతగా బంతి తిరగలేదని భావించి లెగ్ బిఫోర్ వికెట్ అయ్యే అవకాశం ఉందని దీని అర్థం కాదు. అయితే, ఆఫ్ స్పిన్నరు లెగ్ స్పిన్నరు కంటే వేగంగా, మరింత ఖచ్చితంగా బౌలింగ్ చేస్తాడు. అందువల్ల బంతి వేగంలో మార్పులతో బ్యాటరును మోసం చేయవచ్చు. ఎడమచేతి వాటం బ్యాటరుకు ఆఫ్ బ్రేక్ బౌలింగ్‌ను ఎదుర్కోవడం చాలా కష్టం. ఎందుకంటే బంతి అతని శరీరం నుండి దూరంగా పోతుంది. దీనర్థం సరైన అంచనా వేయకపోతే, బ్యాటు వెలుపలి అంచుకు తగిలి క్యాచ్‌కు దారి తీస్తుంది.
ఆఫ్ స్పిన్నర్ వలె అదే (ఫింగర్ స్పిన్) యాక్షనుతో బౌలింగు చేసే ఎడమ చేతి బౌలర్‌ను లెఫ్ట్ ఆర్మ్ ఆర్థడాక్స్ స్పిన్ బౌలరు అని పిలుస్తారు. ఆర్థడాక్స్ స్పిన్నర్ యాక్షను ఆఫ్-స్పిన్నర్ లాగానే ఉంటుంది గానీ, బంతి వ్యతిరేక దిశలో తిరుగుతుంది (కుడి చేతి లెగ్ స్పిన్నరు తిప్పినట్లుగా). [5] అటువంటి బంతిని సాధారణంగా ఆఫ్ బ్రేక్ అని పిలవరు, ఎడమచేతి ఆర్థోడాక్స్ స్పిన్నర్ అని అంటారు.
పరిభాష
[మార్చు]ఆఫ్ స్పిన్: కొన్నిసార్లు ఆఫ్ స్పిన్ అనే పదాన్ని ఆఫ్ బ్రేక్ డెలివరీ అని అర్థంలో ఉపయోగిస్తారు. [6] [7] [8] [9] ఇతర సమయాల్లో ఆఫ్ స్పిన్ అనే పదానికి విస్తృతమైన అర్థంలో ఆఫ్ స్పిన్నర్ వేసే అన్ని రకాల డెలివరీలను, ఆఫ్ బ్రేక్ కాని డెలివరీలను కూడా కలిపి చెబుతారు.[10] [11] [12]
ఆఫ్ స్పిన్నర్: ఆఫ్ స్పిన్నర్ అనే పదాన్ని బౌలరు [13] [14] లేదా ఆఫ్ బ్రేక్ డెలివరీ అని అర్థం చేసుకోవడానికి ఉపయోగించవచ్చు. [15] [16] [17] [9]
సాంకేతికత
[మార్చు]బంతిని అరచేతిలో పట్టుకుని ఆఫ్ బ్రేక్ వేస్తారు. సీమ్ అడ్డంగా అన్ని వేళ్ల క్రింద ఉంటుంది. [2] బంతి విడుదలైనప్పుడు, వేళ్లు బంతిని కుడి వైపున (కుడిచేతి వాటం బౌలరు కోసం) క్రిందికి దొర్లిస్తూ, బంతిని సవ్యదిశలో (వెనుక నుండి చూసినపుడు) స్పిన్ చేస్తారు.
చెప్పుకోదగ్గ ఆఫ్ స్పిన్నర్లు
[మార్చు]ప్రముఖ ఆఫ్ స్పిన్నర్లు:
- శ్రీలంకకు చెందిన ముత్తయ్య మురళీధరన్, వన్డేలు, టెస్ట్ మ్యాచ్‌లు రెండింటిలోనూ అత్యధిక వికెట్లు సాధించిన ఆటగాడు, [18] [19]
- ఇఎఎస్ ప్రసన్న, శ్రీనివాస్ వెంకటరాఘవన్, ప్రముఖ భారత స్పిన్ చతుష్టయంలో ఇద్దరు
- భారత్‌కు చెందిన హర్భజన్ సింగ్, రవిచంద్రన్ అశ్విన్
- పాకిస్థాన్‌కు చెందిన సక్లైన్ ముస్తాక్, సయీద్ అజ్మల్. సక్లైన్ ముష్తాక్ " దూస్రా " కనుగొన్న ఘనత పొందాడు. ఇది ఆఫ్ బ్రేక్‌కు సమానమైన చర్యతో బౌల్ చేయబడి, లెగ్ స్పిన్నరు వేసే గూగ్లీ లాగా, తన మామూలు బంతి తిరిగే దిశకు వ్యతిరేక దిశలో తిరుగుతుంది. [20]
- ఇంగ్లండ్‌కు చెందిన జిమ్ లేకర్, గ్రేమ్ స్వాన్
- ఆస్ట్రేలియాకు చెందిన నాథన్ లియోన్ .
- అజంతా మెండిస్: క్యారమ్ బాల్ ఆవిష్కర్త
- లాన్స్ గిబ్స్ : 300 వికెట్లు దాటిన తొలి స్పిన్నర్
ఆఫ్ స్పిన్ బౌలర్లు వేసే ఇతర డెలివరీలు
[మార్చు]ఆఫ్ స్పిన్నర్ అమ్ములపొది లోని మరొక సాధారణ ఆయుధం ఆర్మ్ బాల్. ఇది స్పిన్ చేయదు కానీ "చేయి తిరిగే దిశలోనే" నేరుగా వెళ్తుంది. [21] మరింత నైపుణ్యం కలిగిన ఆఫ్‌స్పిన్నర్లు టాప్‌స్పిన్నరు కూడా వేస్తారు.[22]
ఇవి కూడా చూడండి
[మార్చు]మూలాలు
[మార్చు]- ↑ "Difference between Off Break and Off Spin". 15 July 2013.
- ↑ 2.0 2.1 "How to Grip the Ball to Bowl Offspin".
- ↑ "Muttiah Muralitharan's rise to the top of the world". ICC. 17 April 2020. Retrieved 28 July 2020.
On the occasion of the legendary Sri Lankan off-spinner Muttiah Muralitharan's 48th birthday, we revisit his rise to the top of the international wicket-takers' charts through an animated graph.
- ↑ "Off spin". BBC Sport. Retrieved 16 December 2012.
- ↑ "How to bowl left-arm spin". BBC Sport. Retrieved 16 December 2012.
- ↑ "A glossary of cricket terms". ESPN. 17 April 2007. Retrieved 31 July 2020.
Off-break/spin - A ball turning into the right hander- from off to leg (from left to right)
- ↑ "Definition of offspin". Merriam-Webster. Retrieved 31 July 2020.
spin imparted to a bowled ball in cricket that tends to cause it to break from the off side to the leg side.
- ↑ "The man behind Murali". ESPN. 15 July 2007. Retrieved 31 July 2020.
"A coach cannot change a bowler like Murali. If anyone tried to do that he will be lost. What made Murali so special was his off-spin. It was his main weapon. With his experience he added the doosra. But he got most of his wickets with off-spin," Fernando continued.
- ↑ 9.0 9.1 "Sunil Narine banned from bowling his off-spinner in IPL". skysports.com. 29 April 2015. Retrieved 8 August 2020.
West Indies 'mystery spinner' Sunil Narine has been banned from bowling his off-spin delivery at the Indian Premier League... A statement from the IPL read: "...the committee has concluded that Mr. Narine's bowling action for his off-spinner, contravenes Law 24.2 (as read with Law 24.3) of the Laws of Cricket. Therefore the player is now banned from bowling the off-spinner in matches organised by the BCCI, including the IPL."
- ↑ Peter Such. "Simple And Common Variations In Off Spin". teamtechnology.co.uk. Retrieved 31 July 2020.
Once the basics of bowling off spin have been mastered (the mechanics of finger spin bowling) to become a complete off spin bowler one must develop and have the ability to consistently deliver a range of variations... The Arm Ball, Swinger Or Floater
- ↑ "From cow corner to Mankads - your cricket questions answered". BBC. 17 April 2020. Retrieved 7 August 2020.
When the ball spins the opposite way to how a batsman would expect, it is called a doosra (when an off-spin bowler turns it away from a right-hander)
- ↑ "Off Spin Variations: How to Bowl Off Spin". YouTube. 19 August 2017. Archived from the original on 12 ఫిబ్రవరి 2021. Retrieved 1 August 2020.
The one you've all been asking for, here's Kieran talking us through how to bowl the different off spin variations.
{{cite web}}: CS1 maint: bot: original URL status unknown (link) - ↑ "'Ashwin is the best off-spinner in the world' – Graeme Swann". ICC. 28 August 2018. Retrieved 7 August 2020.
Former England off-spinner Graeme Swann has rated India's Ravichandran Ashwin as the best Test spinner in the world while picking Afghanistan's Rashid Khan as the best in Twenty20s. "Ashwin is easily the best off-spinner in the world."
- ↑ "England's Graeme Swann maintains a rich Old Trafford off-spin tradition". The Guardian. 2 August 2013. Retrieved 7 August 2020.
But there have been matches here that were not so memorable for off-spinners... Two fine English off-spinners, Fred Titmus and John Mortimore, bowled 93 overs between them in that match, yielding 222 runs without a wicket... Australia had one off-spinner, Tom Veivers
- ↑ "Pakistan v Australia". ESPN. Retrieved 4 August 2020.
MacKay, bowling off-spinners on a perfect length
- ↑ "The Definitive: Michael Vaughan". Wisden. 26 June 2014. Archived from the original on 28 September 2020. Retrieved 4 August 2020.
I was in the Yorkshire under 15 side and batting regularly at number seven and bowling off-spinners.
- ↑ "Ashes 2015: England and Australia's spinners prove a threat in a big-hitter's era". The Guardian. 15 July 2015. Retrieved 4 August 2020.
Bowling off-spinners was a peaceful occupation then.
- ↑ "Records / Test matches / Bowling records / Most wickets in career". ESPNcricinfo. Retrieved 16 December 2012.
- ↑ "Records / One-Day Internationals / Bowling records / Most wickets in career". ESPNcricinfo. Retrieved 16 December 2012.
- ↑ Cricinfo staff (29 April 2009). "I can teach Australians the doosra - Saqlain". ESPNcricinfo. Retrieved 16 December 2012.
- ↑ Eastaway, Rob (2003). What is a googly?. Robson Books. p. 118. ISBN 1-86105-629-X.
- ↑ Eastaway, Rob (2003). What is a googly?. Robson Books. p. 141. ISBN 1-86105-629-X.