అరటికాయ వేపుడు

అరటికాయ వేపుడు.

అరటికాయ వేపుడు ఒక మంచి కూర.

కావలసిన పదార్థాలు

• 3-4 అరటికాయలు
• 10-15 మిల్లీ.లీటర్ల వంట నూనె
• 4 చెంచాల కారం
• 3 చెంచాల శెనగ పిండి
• తగినంత ఉప్పు

అరటి కాయలు\పాకాల సంతలో తీసిన చిత్రము

తయారుచేయు విధానం

• ఒక్కొక్క అరటికాయకు చెక్కుతీయాలి
• చెక్కుతీసిన వెంటనే చిన్న చిన్న ముక్కలుగా తరిగి నీళ్ళల్లో వేయాలి. లేకపోతే ముక్కలు పాడయిపోతాయి.
• ఈ విధంగా అన్ని వేపుడు చేద్దామనుకుంటున్న అరటికాయలన్నిటికి చెక్కుతీసి ముక్కలుగా తరిగి నీళ్ళల్లో వేయాలి
• పొయ్యి మీద బాణలి ఉంచి, అందులో తగినంత నూనె వేయాలి.
• నూనె కాగిన తరువాత (నూనె కాగకుండా ముక్కలు వేయకూడదు), ముక్కల్ని నీళ్ళల్లోంచి తీసి బాణలిలో వేయాలి
• బాణలిలో వేసిన తరువాత అప్పుడప్పుడు అట్లకాడతో తిప్పుతూ ఉండాలి, లేకపొతే ముక్కలన్నీ అతుక్కుని పోతాయి.
• ఈవిధంగా ముక్కల్ని కలుపుతూ వేయించాలి.
• ముక్కలన్నీ వేగినాక, బాణలి పొయ్యిమీదనుంచి దంపాలి.
• బాణలిలోని నూనెను జాగ్రత్తగా ముక్కలు పడకుండా వేరుగా వంపేయాలి
• ముక్కలు వేడిగా ఉన్నప్పుడే, తగినంత ఉప్పు కారం కలిపిన మిశ్రమం ముక్కలమీద వేసి బాగా కదిలించి కలపాలి
• ముక్కలు పొడిపొడిగా ఉండటానికి శనగపొడిని కొద్దిగా చల్లి బాగా కలపాలి
• అలా ఉప్పూ కారం కలిపిన ముక్కల్ని బాణలి లోంచి మరొక పళ్ళేంలోకో లేదా గిన్నెలోకో మార్చి ఒడ్డించటానికి సిద్ధం చేయాలి.

ఇవి కూడా చూడండి

• తెలుగు వారి వంటల జాబితా
• ఆంధ్ర శాకాహార వంటల జాబితా