సోంపల్లి సంపత్ కృష్ణమూర్తి
| సోంపల్లి సంపత్ కృష్ణమూర్తి | |
|---|---|
 | |
| జననం | సోంపల్లి సంపత్ కృష్ణమూర్తి 1913 కొక్కంటి, తనకల్లు మండలం, శ్రీ సత్యసాయి జిల్లా |
| మరణం | 1969, జనవరి 29 |
| వృత్తి | ఉపాధ్యాయుడు |
| ప్రసిద్ధి | పండితుడు, కవి, శతావధాని |
| మతం | హిందూ |
| తండ్రి | చంపార్యుడు |
| తల్లి | మంగాంబ |
సోంపల్లి సంపత్ కృష్ణమూర్తి (1913 - 1969, జనవరి 29)[1] ఆంధ్రప్రదేశ్ రాష్ట్రానికి చెందిన సంస్కృత పండితుడు, కవి, శతావధాని.[2]
జననం, కుటుంబం
[మార్చు]సంపత్ కృష్ణమూర్తి 1913లో శ్రీ సత్యసాయి జిల్లా, తనకల్లు మండలం, కొక్కంటి గ్రామంలో జన్మించాడు. తల్లి మంగాంబ, తండ్రి చంపార్యుడు.[2] ఇతను హిందూ బ్రాహ్మణ స్మార్త కులానికి చెందినవాడు.
విద్యాభ్యాసం
[మార్చు]విద్వాన్ కవిసార్వభౌమ, అభినవ బాణకవి, ఆశుకవి చక్రవర్తి, శతావధాని గౌరావజల రామకృష్ణ సీతారామ సోదరకవులు వద్ద సంపత్ కృష్ణమూర్తి విద్యాభ్యాసం చేశాడు. విశ్వకళాశాల వారి విద్వత్పరీక్షలో ఉత్తీర్ణులై సంస్కృతాంధ్ర భాషలలో పాండిత్యాన్ని సంపాదించాడు.[3]
ఉద్యోగం
[మార్చు]సంపత్ కృష్ణమూర్తి 1941 నుండి కదిరి ఉన్నత పాఠశాలలో ప్రధానాంధ్ర పండితులుగా పనిచేశాడు.[3]
రచనలు
[మార్చు]సంపత్ కృష్ణమూర్తి అనేక గ్రంథాలను రచించాడు. వాటిలో కొన్ని ముద్రితమైనవి, కొన్ని అముద్రితంగా ఉన్నాయి.[3]
ముద్రితాలు
[మార్చు]- భక్త రక్షామణి (పద్యశతము)
- ఆపదుద్ధారక స్తోత్రము
- వాసవీ విలాసాభి రూపకము (నాటకం)
- మల్లికార్జున దైవవినుతి
- రామాస్త్రము
- పుష్ప విలాసము
- కవితానంద వాల్మీకి రామాయణము (2 సంపుటాలు, 1940)
అముద్రితాలు
[మార్చు]- సతీతిలక (నవల)
- ఆంధ్ర వ్యాకరణ వివరణము
- శంకర విజయము (హరికథ ముద్రణం)
- ఆంధ్ర సూర్య శతక టీక
- దైవజ్ఞ భూషణము
- సత్యనారాయణ వాచకములు (ఐదు)
- కొక్కంటి పాళెగారి చరిత్ర కావ్యపరిచయము[4]
మరణం
[మార్చు]సంపత్ కృష్ణమూర్తి 1969, జనవరి 29న మరణించాడు.
మూలాలు
[మార్చు]- ↑ రాయలసీమ రచయితల చరిత్ర మొదటి సంపుటి - కల్లూరు అహోబలరావు, శ్రీకృష్ణదేవరాయ గ్రంథమాల, హిందూపురం
- ↑ 2.0 2.1 కల్లూరు అహోబలరావు (1975-07-01). రాయలసీమ రచయితల చరిత్ర (మొదటి సంపుటం).
- ↑ 3.0 3.1 3.2 కల్లూరు అహోబలరావు (1975-07-01). రాయలసీమ రచయితల చరిత్ర (మొదటి సంపుటం).
- ↑ కల్లూరు అహోబలరావు (1975-07-01). రాయలసీమ రచయితల చరిత్ర (మొదటి సంపుటం).