సీతారాంపేట (పుల్లంపేట)

సీతారాంపేట
—  రెవిన్యూయేతర గ్రామం  —
సీతారాంపేట ఆంధ్రప్రదేశ్ పటంలో గ్రామ స్థానం
అక్షాంశరేఖాంశాలు:
రాష్ట్రం	ఆంధ్రప్రదేశ్
జిల్లా	అన్నమయ్య
మండలం	పుల్లంపేట
ప్రభుత్వం
- సర్పంచి
పిన్ కోడ్	516107
ఎస్.టి.డి కోడ్

సీతారాంపేట, అన్నమయ్య జిల్లా, పుల్లంపేట మండలానికి చెందిన రెవెన్యూయేతర గ్రామం. ఇది గారాలమడుగు గ్రామ పంచాయతీ పరిధిలోని గ్రామం.

విశేషాలు

సీతారాంపేట గ్రామవాసులైన చేనేత కార్మిక కుటుంబానికి చెందిన సుబ్బయ్య, సుబ్బమ్మ దంపతుల కుమార్తె పద్మావతి, క్రికెట్టులో, రాష్ట్ర, జాతీయ స్థాయిలలో రాణించుచున్నది. 2010-11 లో హైదరాబాదులో జాతీయస్థాయిలో క్రికెట్టు ఆడుతుండగా ఈమె గాయపడింది. ఆ గాయానికి శస్త్రచికిత్స చేయించుకున్న ఈమె తరువాత కఠోరశ్రమకోర్చి, తిరిగి, బి.సి.సి.ఐ.ఆంధ్రా జట్టులో స్థానం సంపాదించుకొని, తిరిగి, ఆటలో రాణించుచున్నది.

దేవాలయాలు

• శ్రీ భద్రావతీ సమేత శ్రీ భావనారాయణస్వామివారి ఆలయం:- ఈ ఆలయంలో 2014,మే-16, శుక్రవారం నాడు, స్వామివారి మహా నైవేద్యాలను ఘనంగా నిర్వహించారు. పంచామృతాభిషేకాలు, ప్రత్యేక పూజలు నిర్వహించారు. అనంతరం స్వామివారి గ్రామోత్సవం నిర్వహించారు. ఈ కార్యక్రమంలో భక్తులు అధిక సంఖ్యలో పాల్గొని స్వామివారిని దర్శించుకొని తీర్ధప్రసాదాలు స్వీకరించారు.
• శ్రీ నడివీధి గంగమ్మ ఆలయం:- నడివీధి గంగమ్మ పొంగళ్ళను, 2014,జూన్-5, గురువారం నాడు భక్తిశ్రద్ధలతో జరుపుకున్నారు. ఈ సందర్భంగా అమ్మవారిని ప్రత్యేకంగా అలంకరించారు. కుంకుమార్చన, ప్రత్యేకపూజలు నిర్వహించారు. అనంతరం భక్తులు అమ్మవారిని దర్శించుకున్నారు. సాయంత్రం అమ్మవారిని ప్రత్యేక అలంకరణలో గ్రామ ప్రధాన వీధులలో ఊరేగించారు. ఈ కార్యక్రమానికి భక్తులు అధిక సంఖ్యలో విచ్చేసారు.