శాంతా హుబ్లికర్
శాంతా హుబ్లికర్ | |
|---|---|
 | |
| జననం | రాజమ్మ 1914 ఏప్రిల్ 14 అదరగుంచి, హుబ్బల్లి, కర్ణాటక |
| మరణం | 1992 జూలై 17 (వయసు 78) |
| వృత్తి |
|
| క్రియాశీల సంవత్సరాలు | 1934–1963 |
| జీవిత భాగస్వామి | బాపుసాహెప్ గీతే (1939-1977) |
| పిల్లలు | 1 |
శాంతా హుబ్లికర్ (1914 ఏప్రిల్ 14 - 1992 జూలై 17), కర్ణాటకకు చెందిన సినిమా నటి, గాయని. 1934 నుండి 1963 వరకు మరాఠీ, హిందీ, కన్నడ సినిమాలలో నటించింది. శాంతా పాడిన పాటటలో ఆద్మీ[1] సినిమాలో అబ్ కిస్ లియే కల్కీ బాత్, మనోస్ సినిమాలోని కషాలా ఉద్యాచి బాత్[2] పాటలు విపరీతమైన ప్రజాదరణ పొందాయి.
జననం
[మార్చు]శాంతా హుబ్లికర్ 1914 ఏప్రిల్ 14న కర్ణాటకలోని హుబ్బల్లి సమీపంలోని అదరగుంచి అనే గ్రామంలో జన్మించింది.[3] కన్నడ, మరాఠీ, హిందీ భాషలలో ప్రావీణ్యాన్ని సంపాదించుకుంది. తన 18వ ఏట సినిమాల్లో పనిచేయడానికి కొల్హాపూర్‌కి వచ్చింది.
వ్యక్తిగత జీవితం
[మార్చు]శాంతకు 1939లో పూణేకు చెందిన వ్యాపారవేత్త బాపుసాహెప్ గీతేతో వివాహం జరిగింది.
సినిమారంగం
[మార్చు]1934లో మొదటిసారిగా భేడీ రాజ్‌కుమార్/థాక్సేన్ రాజ్‌పుత్ర సినిమాలో చిన్న పాత్రలో నటించింది. కన్హోపాత్ర (1937) సినిమాలో ప్రధాన పాత్ర పోషించింది. ప్రభాత్ ఫిల్మ్ కంపెనీలో చేరి 1938లో మఝా ముల్గా/మేరా లడ్కా అనే మరాఠీ-హిందీ ద్విభాషా సినిమాలో నటించింది.[4] తన గానం, నటన ద్వారా దర్శకుడు వి. శాంతారాంని మెప్పించింది. దాంతో వి. శాంతారాం తీసిన ఆద్మీ/మనూస్‌ (హిందీ, మరాఠీ) సినిమాల్లో వేశ్య పాత్రలో నటించే అవకాశం వచ్చింది.[5]
ఆద్మీ సినిమా విజయం తర్వాత శాంత, 1942[6] తన ఏకైక కన్నడ చిత్రం జీవన నాటకంతోపాటు ఇతర సినిమాలలో నటించింది.
ఆత్మకథ
[మార్చు]శాంత మరాఠీలో కషాలా ఉద్యాచి బాత్ అనే పేరుతో తన స్వీయచరిత్రను రాసింది. ఈ పుస్తకాన్ని శ్రీవిద్యా పబ్లికేషన్స్ ప్రచురించింది.[7]
పుస్తకం
[మార్చు]కన్నడ భాషలో ప్రముఖ రచయిత ఏఎన్‌ ప్రహ్లాదరావు 'శాంత హుబ్లీకర్' అనే పుస్తకాన్ని రాశాడు. ఈ పుస్తకాన్ని రాష్ట్రోత్తహన పరిషత్ ప్రచురించింది.
మరణం
[మార్చు]1977లో భర్త మరణించిన తర్వాత కొంతకాలం ఒంటరి జీవితాన్ని గడిపింది. ఆ తరువాత పూణేలోని ఒక వృద్ధాశ్రమంలో చేరింది. 1992 జూలై 17న మరణించింది.[8]
సినిమాలు
[మార్చు]శాంతా హుబ్లికర్ సినిమాలు.[9]
- భేడ్కా రాజ్‌కుమార్ (1934)
- కన్హోపాత్ర (1937)
- మేరా లడ్కా (1937)
- మనోస్/ఆద్మీ (1939)[10]
- ఘర్ కీ లాజ్ (1941)
- పహిలా పల్నా (1942)
- జీవన నాటక (1942)
- మలన్ (1942)
- కుల్ కలాంక్ (1945)
- జీవన్ ఛాయా (1946)
- సౌభాగ్యవతి భావ్ (1958)
- ఘర్ గృహస్తి (1958)
- హాలీడే ఇన్ బొంబాయి (1963)
మూలాలు
[మార్చు]- ↑ "Shantaram's 'Aadmi'". indiavideo.org.
- ↑ Shukla, Rupali (7 September 2014). "V Shantaram's revolutionary film 'Manoos' completes 75 years". Bennett, Coleman & Co. Ltd. Times of India. Retrieved 2022-05-29.
- ↑ "Imprints and Images of Indian Film Music". facebook.com.
- ↑ "Prabhat Films List". Prabhat films.com. Archived from the original on 2012-07-22. Retrieved 2022-05-29.
- ↑ "Still of Shanta Hublikar". Arts and Culture.google.com.
- ↑ "Celebrity Shanta Hublikar". Chiloka.com.
- ↑ "Shanta Hublikar's autobiography "Kashala Udyachi Baat"". Srividya publication(Amazon.in). Jan 1, 2017.
- ↑ "Shanta Hublikar lifestory". MarathiSrushti.com.
- ↑ "Shanta hublikar filmography". cinestaan.com. Archived from the original on 2021-01-16. Retrieved 2022-05-29.
- ↑ "Trailblazing Marathi Movie Manoos Completes 75 Years - NDTV Movies". NDTVMovies.com.