వికీపీడియా:సమావేశం/జూన్ 9,2013 సమావేశం

తెలుగు వికీపీడియా నెలవారీ ముఖాముఖీ సమావేశం. సమావేశానంతరం/ముందు మినీ వికీపీడియా వర్కుషాపు ఉంటుంది.

వివరాలు

ప్రదేశం : థియేటర్ ఔట్రీచ్ యూనిట్ (టి.ఓ.యు), గోల్డెన్ త్రెషోల్డ్, అబిడ్స్, హైదరాబాద్
తేదీ : 09:06:2013; సమయం : సా 3 నుండి 6 వరకూ.

సమావేశం నిర్వాహకులు

రహ్మానుద్దీన్ (చర్చ) 20:33, 21 మే 2013 (UTC)[ప్రత్యుత్తరం]

సమావేశంలో పాల్గొన్నవారు

చర్చించిన అంశాలు

తెలుగు ప్రముఖుల ప్రాజెక్టు పరిశీలన. సుమారు వెయ్యి మంది ప్రముఖుల జీవితచరిత్రలు ఒక వేదిక మీదకు వచ్చాయి. వానిలో 80 శాతం వ్యాసాలు మొలక స్థాయిలో ఉన్నాయి. ఈ నెల మొలక అభివృద్ధిమీద దృష్టి పెట్టాలని సూచించారు.
ఆంధ్ర మహాభాగవతము పూర్తి పాఠం మరియు ఆడియో వికీసోర్సులో చేర్చుట. నెట్ లో సాంబశివరావు గారితో సమావేశంలో ఉండగానే మాట్లాడి వారి అనుమతి తీసుకొవడం జరిగింది. అయితే ఆయన సూచించిన మేరకు పోతన భాగవతాలు తొమ్మిది రకాలుగా ఉన్నాయని; తన కృషిని ప్రత్యేకంగానే వుంచమని కోరారు. ఆ విధంగా పోతన తెలుగు భాగవతము అని సాంబశివరావు గారి పేరుమీద ఈ మొత్తం అంతా వికీసోర్సులో ఉంచడానికి అంగీకరించారు. తెలుగు అకాడమీ వారి భాగవతంతో కలపవద్దని మనవిచేసుకున్నారు.
మొదటి పేజీ - మార్పులు చేర్పులు - అభిప్రాయాలు. ఒక్కొక్కరి అభిప్రాయాలను తెలియజేయమని; అన్నింటిని పరిశీలించిన పిమ్మట తగినవిధంగా మార్పులు చేయవచ్చునని నిశ్చయించాము.
ఇంతవరకు రాసిన వ్యాసాలు, ఇకపై రాయాలనుకుంటున్న వ్యాసాల గురించిన చర్చ.
శేఖర్‌బాబు మరియు పి.ఆర్.ఎస్. శర్మ గారు ఈసారి కొత్తగా చేరారు.
విద్య - ఉపాధి తదితర అంశాలలో వ్యాసరచన పోటీలు నిర్వహించడానికి బండి శ్రీనివాస శర్మ ప్రతిపాదించగా మల్లాది గారు సమర్ధించి; అందరి ఆమోదంతో తెలుగు వికీపీడియాను నేటి యువతకు చేరువచేయడానికి; అంతర్జాల మాధ్యమంలో అందరికీ ఈ పోటీ వివరాలు తెలియజేయడానికి అంగీకరించాము. ఈనెల విద్య-ఉపాధి ప్రాజెక్టును సైట్ నోటీసులో ఉంచడానికి కూడా తీర్మానించాము. ఎనిమిది ప్రోత్సాహకాలు కూడా ఇవ్వడం జరుగుతుంది. పోటీ విధివిధానాలు నిశ్చయించాము.
తెలుగు విక్షనరీలో తెలుగు-ఇంగ్లీషు నిఘంటువు చేరిక పూర్తయిందని భాస్కరనాయుడుగారు తెలియజేశారు. తర్వాత తెలుగు అకాడమీవారి తెలుగు నిఘంటువు నుండి శాస్త్రవిజ్ఞానానికి చెందిన పదాలను చేర్చడం మొదలుపెట్టారు. ఒక వారంలో అది పూర్తవుతుంది. ఇంటిపేర్లు; మహిళల పేర్లు మరియు పురుషుల పేర్లకు ఆంగ్ల విక్షనరీలో మాదిరిగా అనుబంధాలను స్టీఫెన్ బ్రౌన్ సహకారంతో విక్షనరీలో చేర్చడం అయింది. తెలుగువారి పేర్లను అన్నింటినీ ఈ విభాగాలలో చేర్చవచ్చును.
శేఖర్ బాబు గారి వద్ద నాటకరంగానికి చెందిన వీడియోలు 250 పైగా యూట్యూబ్ లో ఉంచినట్లు తెలియజేశారు; వాటిని వికీలో చేర్చడానికి చర్చించాము. అలాగే హిందూ దేవాలయాల గురించిన సమాచారం చాలా ఉన్నది.
తెలుగు వికీపీడియా ప్రచారం కోసం బండి శ్రీనివాస శర్మ గారివద్ద నున్న 50,000 పైగా ఈమైల్ అడ్రసులకు సందేశం పంపడానికి సంబంధించిన సాధ్యాసాధ్యాలను చర్చించాము.
తెలుగు వికీలో ఏకవచన ప్రయోగం ద్వారా మీడియాలో కలిగిన ఇబ్బంది గురించి మల్లాది గారు తెలియజేశారు. దానిని వీలైనంత త్వరగా నిర్ణయాత్మకంగా మార్చకపోతే మీడియా నుండి ఎవరు కూడా వికీలో రచనలు చేయడం కష్టమని హెచ్చరించారు.
పి.ఆర్.ఎస్.శర్మ గారిని భాస్కరనాయుడు గారు పరిచయం చేశారు. వీరికి భక్తి సమాచారం సేకరణ; పుణ్యక్షేత్రాలు దర్శించడం ప్రవృత్తి. ఆవిధంగా తెవికీ లో అకౌంట్ సృష్టించుకున్నారు.

చిత్రమాలిక

ఊలపల్లి సాంబశివరావు (భాగవత గణనాధ్యాయులు) గారితో వెబ్ కాల్ లో చర్చ
తెవికీ సభ్యులు
తెవికీ సభ్యులు
తెవికీ సభ్యులు
తెవికీ సభ్యులు