వాడుకరి:Purushotham9966/అమెరికన్ నవలారచయిత్రి అయిన్ రాండ్

అమెరికన్ నవలారచయిత్రి అయిన్ రాండ్ "ఫౌంటెన్ హెడ్" నవలను షుమారు75 సంవత్సరాల క్రితం రచించారు. మార్మికవాదం, మార్క్సిజం, కలెక్టివిజం వంటి భావనలను వ్యతిరేకిస్తూ ఆమె ఆబ్జెక్టివిజం తత్వాన్ని ఈ నవలలో ప్రతిపాదించారు. వ్యక్తి యొక్క ప్రతిభను ఎవరూ అణచి పెట్టలేరని, రోర్కు వంటి ప్రతిభావంతుడైన భవన నిర్మాణశిల్పి అనేక అననుకూల పరిస్థితులను ఎదుర్కొని అంతిమంగా గొప్ప నిర్మాణ శిల్పిగా, ఇంజనీరుగా పేరుతెచ్చుకుంటాడు. అల్పప్రగ్ఞావంతులైన పీటర్ కీటింగ్ వంటి నకిలీ ఇంజనీర్లు మొదట పత్రికలు, భజనపరుల సహకారంతో పైకివచ్చినా చివరన వారి స్వస్వరూపం బయటపడి అపఖ్యాతి పాలవుతారు. టుహి వంటి అసూయాపరులైన జర్నలిస్టులు ఏ మార్గంలోనైనా నవలలో ప్రథానపాత్ర రోర్కును పైకిరాకుండా సర్వశక్తులు ఒడ్డుతారు. వైనాండ్ తన ధనబలం, పత్రికల బలంతో ఏమైనా సాధించగలనన్న పెట్టుబడిదారు. చివరకు మంచివైపు నిలబడినా ఆత్మబలంలేక అల్లరిమూకల దాడికి భయపడి తలవంచి, పేరును, భార్య డోమినిక్ ను పోగొట్టుకుంటాడు. నవలో అనేక ప్రతీకలు. పాత్రల వేషభాషలు, వాతావరణం అన్నింటినీ రచయిత్రి చింతనాత్మకంగా రాశారు. ఈ 850 పుటల అనువాద నవలను మెల్లగా చదవవలసినది. ఈనాటి మన సమాజానికి ఈ నవలకు ఎన్నో పోలికలు, పత్రికాధిపతులు సమాజంలో నీచాభిరుచులను "అవిద్యా"వంతులైన ప్రజలకు వండి వడ్డిస్తున్నారు. నేరాలు ఘోరాలు పతాకశీర్షికలు. ప్రజల అభిరుచులను ఇచ్చవచ్చినట్లు మరల్చి ఆడుకోగలుగుతున్నారు. పుస్తకం ముఖపత్రం మీది ఉదయించే సూర్యుడు మనిషి అజేయుడని చెప్పడానికి చిహ్నం! మానవ సృజనాత్మక శక్తిమీద గొప్ప నమ్మకం కలిగించే నవల. డాక్టర్ రెంటాల వెఃటేశ్వరరావు అనువాదంలో తొలి ప్రయత్నంలోనే విజయం సాధించారు. Sourse : గోదావరి ప్రచురణలు, హైదరాబాద్.