రెండవ ప్రపంచ యుద్ధం - ప్రపంచ యుద్ధంగా రూపాంతరం

రెండవ ప్రపంచ యుద్ధం
రెండవ ప్రపంచ యుద్ధం సమయంలో వివిధ దేశాల స్థానాలు. ముదురు ఆకుపచ్చ — పెరల్ హార్బర్‌పై జపాన్ దాడికి ముందు మిత్ర పక్షాలు; లేత ఆకుపచ్చ — పెరల్ హార్బర్‌పై జపాన్ దాడి తరువాత యుద్ధంలో చేరిన దేశాలు; నీలం — అక్ష రాజ్యాలు; బూడిద రంగు— యుద్ధ కాలంలో తటస్థంగా ఉన్న దేశాలు.
తేదీ సెప్టెంబరు 1, 1939 – సెప్టెంబరు 2, 1945 ప్రదేశం యూరోప్, పసిఫిక్, ఆగ్నేయ ఆసియా, చైనా, మధ్య ప్రాచ్యం, మధ్యధరా ప్రాంతం, ఆఫ్రికా ఫలితం మిత్ర రాజ్యాల విజయం. ఐక్య రాజ్య సమితి ఆవిర్భావం. అ.సం.రా., సోవియట్ యూనియన్‌లు అగ్ర రాజ్యాలుగా రూపొందాయి. ఐరోపాలో మొదటి ప్రపంచం, రెండవ ప్రపంచం అనే ప్రభావ ప్రాంతాల అవతరణ - దీని నుండి ప్రచ్ఛన్న యుద్ధం ప్రారంభం. (ఇంకా...)
ప్రత్యర్థులు
మిత్ర రాజ్యాలు	అక్ష రాజ్యాలు
సేనాపతులు, నాయకులు
మిత్ర రాజ్యాల నాయకులు	అక్ష రాజ్యాల నాయకులు
ప్రాణ నష్టం, నష్టాలు
సైనిక మరణాలు: 14,000,000 పైగా పౌర మరణాలు: 36,000,000 పైగా మొత్తం మరణాలు: 50,000,000 పైగా ...మరిన్ని వివరాలు.	సైనిక మరణాలు: 8,000,000 పైగా పౌరుల మరణాలు: 4,000,000 పైగా మొత్తం మరణాలు 12,000,000 పైగా ...మరిన్ని వివరాలు.

ప్రధాన వ్యాసం: రెండవ ప్రపంచ యుద్ధం

1941 జూన్ ఆఖరులో జెర్మనీ ఇటలీ, ఫిన్లాండ్ లతో కలిసి సోవియెట్ యూనియన్ మీద దాడి చేసింది. ఈ పోరు మొదట్లో అక్ష రాజ్యాలు పెద్ద విజయాలనే నమోదు చేశాయి. పెద్ద ఎత్తున సోవియెట్ భూభాగాలు జెర్మనీ వశమయ్యాయి. కానీ నెలలు గడిచే కొద్దీ అక్షరాజ్యాల పురోగతి మందగించి శీతాకాలానికి పూర్తిగా ఆగిపోయింది. ఈ క్రమంలో సెప్టెంబరులో లెనిన్ గ్రాడ్, అక్టోబరులో సెవాస్టోపోల్ లను వశపరచుకోవటానికి ప్రయత్నాలు సాగాయి. రాజధాని నగరం మాస్కోపై కూడా ఇదే కాలంలో దాడులు జరిగాయి. డిసెంబరులో సోవియెట్లు జపాన్ ఆక్రమిత మంచూరియా వద్ద తమ సరిహద్దులో ఉన్న అదనపు బలగాలను వెనక్కి రప్పించి ఎదురుదాడికి దిగారు.

జెర్మనీ సోవియెట్ యూనియన్ పై దాడిలో నిమగ్నమైన కాలంలో ఇంగ్లాండ్ తమ బలగాలను పునరేకీకరించనారంభించింది. 1941 ఆగస్టులో ఇంగ్లాండ్-సోవియెట్ యూనియన్ కలిసి ఇరాన్ ని ఆక్రమించాయి. ఆ విధంగా ఇరాన్ లోని చమురు కేంద్రాలు అక్షరాజ్యాల చేజిక్కకుండా చేయటమే కాకుండా సోవియెట్ యూనియన్ కు ఇంగ్లాండ్, అమెరికాల నుండి యుద్ధ పరికరాల సరఫరా సజావుగా జరిగేలా పర్షియన్ మార్గాన్ని తమ అధీనంలో ఉంచుకున్నాయి. అంతే కాకుండా, డిసెంబరులో ఇంగ్లాండ్ ఆఫ్రికాలో అక్ష రాజ్యాలపై ప్రతి దాడి జరిపి దాదాపు జెర్మనీ, ఇటలీ స్వాధీనపరచుకున్న భూభాగాలన్నింటినీ వశ పరచుకుంది.

ముందు: అక్షరాజ్యాల ముందంజ తరువాత: మిత్రరాజ్యాల తొలి విజయం