మైనంపాడు
 | ఈ వ్యాసాన్ని తాజాకరించాలి. |
మైనంపాడు | |
|---|---|
 | |
.svg)  మైనంపాడు | |
| అక్షాంశ రేఖాంశాలు: 15°34′26.400″N 79°57′14.400″E / 15.57400000°N 79.95400000°E | |
| దేశం | భారతదేశం |
| రాష్ట్రం | ఆంధ్రప్రదేశ్ |
| జిల్లా | ప్రకాశం |
| మండలం | సంతనూతలపాడు |
| విస్తీర్ణం | 22.7 కి.మీ2 (8.8 చ. మై) |
| జనాభా (2011)[1] | 5,283 |
| • జనసాంద్రత | 230/కి.మీ2 (600/చ. మై.) |
| అదనపు జనాభాగణాంకాలు | |
| • పురుషులు | 2,654 |
| • స్త్రీలు | 2,629 |
| • లింగ నిష్పత్తి | 991 |
| • నివాసాలు | 1,439 |
| ప్రాంతపు కోడ్ | +91 ( 08592  ) |
| పిన్‌కోడ్ | 523225 |
| 2011 జనగణన కోడ్ | 591315 |
మైనంపాడు ప్రకాశం జిల్లా, సంతనూతలపాడు మండలంలోని గ్రామం. ఇది మండల కేంద్రమైన సంతనూతలపాడు నుండి 6 కి. మీ. దూరం లోను, సమీప పట్టణమైన ఒంగోలు నుండి 16 కి. మీ. దూరంలోనూ ఉంది. 2011 భారత జనగణన గణాంకాల ప్రకారం ఈ గ్రామం 1439 ఇళ్లతో, 5283 జనాభాతో 2270 హెక్టార్లలో విస్తరించి ఉంది. గ్రామంలో మగవారి సంఖ్య 2654, ఆడవారి సంఖ్య 2629. షెడ్యూల్డ్ కులాల సంఖ్య 1301 కాగా షెడ్యూల్డ్ తెగల సంఖ్య 273. గ్రామ జనగణన లొకేషన్ కోడ్ 591315[2].
సమీప గ్రామాలు
[మార్చు]ఎండ్లూరు 1.8 కి.మీ, గురువారెడ్డిపాలెం 2.5 కి.మీ, రుద్రవరం 4 కి.మీ, పేర్నమీట్ట 5.5 కి.మీ, నేలటూరు 5.7 కి.మీ,
ప్రముఖులు
[మార్చు]- గుండవరపు సుబ్బారావు- సినీ గీత రచయిత
- మాదాల నారాయణస్వామి- ప్రముఖ కమ్యూనిస్టు నాయకుడు, ఒంగోలు లోక్ సభ మొట్టమొదటి పార్లమెంటు సభ్యుడు.
- మాదాల రంగారావు-విప్లవ చిత్రాల నిర్మాత, నటుడు
గ్రామ విశేషాలు
[మార్చు]- శ్రీ పెద్దిరెడ్డి కోటిరెడ్డి, మైనంపాడు గ్రామ ఉన్నత పాఠశాలలో ఆంగ్ల ఉపాధ్యాయులుగా పనిచేయుచునే సమాజసేవ చేస్తున్నారు. తన భార్య శ్రీమతి ఆదిలక్ష్మి క్యాన్సరుతో మృతిచెందగా, ఆమెపేరుమీద, "పెద్దిరెడ్డి ఆదిలక్ష్మిఫౌండేషన్" స్థాపించి, పలువురు పేద విద్యార్థులకు అండగా నిలుచుచున్నారు. ప్రతి ఏడాది, కుటుంబ సభ్యులు, స్నేహితుల సహకారంతో దాదాపు 2.5 లక్షల రూపాయలతో పేద విద్యార్థులకోసం, మహిళల భోజనం కోసం, వైద్య శిబిరాలకోసం వెచ్చించుచున్నారు. ఈ సంస్థద్వారా ఇప్పటికి 60,70 మంది విద్యార్థులకు, ఉన్నత చదువులోనూ, 30 మంది ఉద్యోగాలలోనూ స్థిరపడినారు.
- మైనంపాడు గ్రామానికి చెందిన శ్రీమతి పెరుగు వెంకమ్మ (104), సర్పంచి దగ్గర నుండి శాసనసభ ఎన్నికల వరకూ దాదాపు దాదాపు 80 సంవత్సరాలుగా ఓటు వేస్తూనే ఉన్నారు. ఆ గ్రామం అప్పుడు మద్దిపాడు సమితి క్రింద ఉండేది.
గణాంకాలు
[మార్చు]2001 వ .సంవత్సరం జనాభా లెక్కల ప్రకారం గ్రామ జనాభా 4,633. ఇందులో పురుషుల సంఖ్య 2,353, మహిళల సంఖ్య 2,280, గ్రామంలో నివాస గృహాలు 1,115 ఉన్నాయి. గ్రామ విస్తీర్ణం 2,270 హెక్టారులు.
విద్యా సౌకర్యాలు
[మార్చు]గ్రామంలో ఒక ప్రైవేటు బాలబడి ఉంది. ప్రభుత్వ ప్రాథమిక పాఠశాలలు ఐదు, ప్రభుత్వ ప్రాథమికోన్నత పాఠశాల ఒకటి, ప్రభుత్వ మాధ్యమిక పాఠశాల ఒకటి ఉన్నాయి. ఒక ప్రభుత్వ వృత్తి విద్యా శిక్షణ పాఠశాలఉంది.సమీప ప్రభుత్వ ఆర్ట్స్ / సైన్స్ డిగ్రీ కళాశాల పేర్నమిట్టలోను, జూనియర్ కళాశాల, ఇంజనీరింగ్ కళాశాల‌లు గంగవరంలోనూ ఉన్నాయి. సమీప వైద్య కళాశాల గుంటూరులోను, మేనేజిమెంటు కళాశాల, పాలీటెక్నిక్‌లు ఒంగోలులోనూ ఉన్నాయి. సమీప అనియత విద్యా కేంద్రం, దివ్యాంగుల ప్రత్యేక పాఠశాల ఒంగోలులో ఉన్నాయి.
- ఈ గ్రామంలో 1939లో బేసిక్ ట్రైనింగ్ పాఠశాల ఏర్పడింది. 1971లో ప్రాథమిక పాఠశాల, ఆ తరువాత కొద్ది సంవత్సరాలకు డైట్ పాఠశాల ఏర్పడినవి.
- ఈ గ్రామ జి.హెచ్.ఎస్. పాఠశాల విద్యార్థిని కె.ధనలక్ష్మి, కడపలో జరిగిన రాష్ట్ర స్థాయి హాకీ క్రీడలో ప్రతిభ కనబరిచి, పంజాబులోని బస్సీపట్నంలో జరిగిన అండర్-15 బాలికల పోటీలలో పాల్గొన్నది. ఈ పాఠశాల నుండి జాతీయ పోటీలలో పాల్గొన్న మొదటి బాలిక ఈమె.
- ఈ గ్రామ ప్రభుత్వ పాఠశాలలో చదువుచున్న కుంచాల రమేశ్ అను విద్యార్థి, జాతీయస్థాయి హాకీ పోటీలకు ఎంపికైనాడు. ఇతడు 2014, అక్టోబరు-22 నుండు 24 వరకు జరిగిన రాష్ట్రస్థాయి పోటీలలో మంచి ప్రతిభ కనబరచి, రాష్టజట్టుకు ఎంపికైనాడు. ఇతడు నవంబరు/2014 లో జరుగు జాతీయస్థాయి పోటీలలో, అండర్-14 విభాగంలో, రాష్ట్ర జట్టులో పాల్గొంటాడు.
- ఈ గ్రామ ప్రభుత్వ ఉన్నత పాఠశాలలోని క్రీడామైదానంలో, 2014, నవంబరు-7 నుండి, రాష్ట్రస్థాయి సబ్-జూనియర్ ఖో-ఖో పోటీలు నిర్వహించెదరు.
వైద్య సౌకర్యం
[మార్చు]ప్రభుత్వ వైద్య సౌకర్యం
[మార్చు]మైనంపాడులో ఉన్న ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఒకరు పారామెడికల్ సిబ్బంది ఉన్నారు.
ప్రాథమిక ఆరోగ్య కేంద్రం గ్రామం నుండి 5 నుండి 10 కి.మీ. దూరంలో ఉంది. పశు వైద్యశాల గ్రామం నుండి 5 నుండి 10 కి.మీ. దూరంలో ఉంది. సమీప సామాజిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ, సంచార వైద్య శాల, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.
ప్రైవేటు వైద్య సౌకర్యం
[మార్చు]గ్రామంలో3 ప్రైవేటు వైద్య సౌకర్యాలున్నాయి. ఎమ్బీబీయెస్ కాకుండా ఇతర డిగ్రీలు చదివిన డాక్టర్లు ముగ్గురు ఉన్నారు. రెండు మందుల దుకాణాలు ఉన్నాయి.
తాగు నీరు
[మార్చు]గ్రామంలో మూడు నీటి శుద్ధి కేంద్రాలు ఉన్నాయి. గ్రామస్థులు వీటి నుంచి మంచి నీరు కొనుక్కుంటున్నారు. బావుల నీరు కూడా అందుబాటులో ఉంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది. కాలువ/వాగు/నది ద్వారా, చెరువు ద్వారా కూడా గ్రామానికి తాగునీరు లభిస్తుంది.
పారిశుధ్యం
[మార్చు]మురుగునీరు బహిరంగ కాలువల ద్వారా ప్రవహిస్తుంది. మురుగునీరు బహిరంగంగా, కచ్చా కాలువల ద్వారా కూడా ప్రవహిస్తుంది. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.
సమాచార, రవాణా సౌకర్యాలు
[మార్చు]మైనంపాడులో పోస్టాఫీసు సౌకర్యం ఉంది. సబ్ పోస్టాఫీసు సౌకర్యం గ్రామానికి 5 నుండి 10 కి.మీ. దూరంలో ఉంది. పోస్ట్ అండ్ టెలిగ్రాఫ్ ఆఫీసు గ్రామం నుండి 10 కి.మీ.కి పైబడిన దూరంలో ఉంది. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామం నుండి 10 కి.మీ.కి పైబడిన దూరంలో ఉన్నాయి.
గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. ప్రైవేటు బస్సు సౌకర్యం, రైల్వే స్టేషన్ మొదలైనవి గ్రామం నుండి 10 కి.మీ.కి పైబడిన దూరంలో ఉన్నాయి.
జిల్లా రహదారి గ్రామం గుండా పోతోంది. రాష్ట్ర రహదారి, ప్రధాన జిల్లా రహదారి గ్రామం నుండి 5 నుండి 10 కి.మీ. దూరంలో ఉన్నాయి. జాతీయ రహదారి గ్రామం నుండి 10 కి.మీ.కి పైబడిన దూరంలో ఉంది. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.
ఇతర మౌలిక వసతులు
[మార్చు]బ్యాంకులు
[మార్చు]సిండికేటు బ్యాంకు.
మార్కెటింగు, బ్యాంకింగు
[మార్చు]గ్రామంలో స్వయం సహాయక బృందం, పౌర సరఫరాల కేంద్రం, వ్యవసాయ మార్కెటింగ్ సొసైటీ ఉన్నాయి. వాణిజ్య బ్యాంకు, సహకార బ్యాంకు, వ్యవసాయ పరపతి సంఘం గ్రామం నుండి 5 నుండి 10 కి.మీ. దూరంలో ఉన్నాయి. రోజువారీ మార్కెట్, వారం వారం సంత గ్రామం నుండి 5 నుండి 10 కి.మీ. దూరంలో ఉన్నాయి. ఏటీఎమ్ గ్రామం నుండి 10 కి.మీ.కి పైబడిన దూరంలో ఉంది.
ఆరోగ్యం, పోషణ, వినోద సౌకర్యాలు
[మార్చు]గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో సినిమా హాలు, గ్రంథాలయం, పబ్లిక్ రీడింగ్ రూం ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ కేంద్రం, జనన మరణాల నమోదు కార్యాలయం ఉన్నాయి. ఆటల మైదానం గ్రామం నుండి 10 కి.మీ.కి పైబడిన దూరంలో ఉంది.
దర్శనీయ ప్రదేశాలు/దేవాలయాలు
[మార్చు]- శివాలయం:- గ్రామంలోని ఈ శివాలయం అత్యంత పురాతనమైనది. సుమారు 400 సంవత్సరాలనాడు, మందపాటి రాజులకాలంలో, తమకు సంతానం లేదని, ఎండ్లూరు, సంతనూతలపాడు, రుద్రవరం, మైనంపాడు, మంగమూరు గ్రామాలలో శివాలయాలను పునహ్ ప్రతిష్ఠించారు. అదే క్రమంలో, ఈ గ్రామంలో ఏర్పాటు చేసిన శ్రీ మల్లేశ్వర స్వామి దేవాలయంగూడా ఆ రాజులు నిర్మించారు. ఈ దేవాలయానికి మొత్తం 17.35 ఎకరాల మాన్యం భూమి ఉంది. ఈ భూమికి సంబంధించి అధికారులు 2001 నుండి బహిరంగ వేలం నిర్వహించుచున్నారు. గత ఏడాది వేలంలో రు.85,000-00 కౌలు వచ్చింది. ఇక పురాతన కాలంలోనే భజంత్రీల మాన్యాన్ని, పూర్వీకులు స్వాధీనం చేసుకున్నారు. నేడు దేవాలయానికి భజంత్రీలు ఉన్నారనే విషయమే గ్రామస్తులకు తెలియదు. దేవాలయం శిథిలావస్థలో ఉంది. పూజలు గూడా దాదాపు ముగిసినట్లే కనిపించుచున్నది.
- శ్రీ మల్లేశ్వరస్వామివారి అలయం:- ఈ గ్రామంలో సా.శ.1174 లో నిర్మించిన శ్రీ మల్లేశ్వరస్వామివారి అలయానికీ, శ్రీ వీరేశ్వరస్వామివారి ఆలయానికీ కలిపి, 1.35 ఎకరాల మాన్యం భూమి ఉంది. ఇదిగాక మోతకూలీ క్రింద ఒక ఎకరం భూమి ఉంది
- శ్రీ వేణుగోపాలస్వామివారి ఆలయం -సా.శ.1472 లో నిర్మించిన శ్రీ వేణుగోపాలస్వామివారి ఆలయానికీ, శ్రీ ఆంజనేయస్వామివారి ఆలయానికీ కలిపి, 20.75 ఎకరాల మాన్యం భూమి ఉంది.
- శ్రీ నాగార్పమ్మ ఆలయం:- స్థానిక పడమటి బజారులోని ఈ ఆలయంలో, అమ్మవారి కొలువులు, 2014, ఆగస్టు-1,2,3 తేదీలలో, ప్రత్యేకంగా "కిలారి" కుటుంబీకుల ఆధ్వర్యంలో, ఘనంగా నిర్వహించారు. మూడురోజులు నిర్వహించిన ఈ కొలువులలో, తొలిరోజు 1వ తేదీ శుక్రవారం నాడు అమ్మవారికి ప్రత్యేకంగా సముద్రస్నానాలు నిర్వహించారు. రెండవ రోజు, రెండ తేదీ శనివారం నాడు, అమ్మవారి ఊరేగింపు నిర్వహించారు. చివరి రోజు, మూడవ రోజైన 3వ తేదీ ఆదివారం నాడు, భక్తులకు అన్నదానం నిర్వహించారు. ఈ కార్యక్రమాలకు భక్తులు అధిక సంఖ్యలో విచ్చేసి అమ్మవారిని దర్సించుకుని పూజలు చేసారు.
- శీ రుక్మిణీ సత్యభామా సమేత శ్రీ వేణుగొపాలస్వామివారి ఆలయం,
- శ్రీ ప్రసన్నాంజనేయస్వామివారి ఆలయం,
- శ్రీ గంగా భ్రమరాంబా సమేత శ్రీ మల్లేశ్వరస్వామివారి ఆలయం,
- శ్రీ భద్రకాళీ సమేత శ్రీ వీరభద్రస్వామివారి ఆలయం
ఈ పురాతన ఆలయాల పునర్నిర్మాణ కార్యక్రమంలో భాగంగా మొదట ఈ నాలుగు ఆలయాలకూ, బాలాలయాలను ప్రతిష్ఠాపన చేసారు.
శ్రీ పోలేరమ్మ తల్లి ఆలయం - శ్రీ పోలేరమ్మ తల్లి ఆలయంలో అమ్మవారి వార్షిక కొలుపులు, 2017,జూన్-25వతేదీ ఆదివారంనాడు నిర్వహించారు. ఈ సందర్భంగా ఆలయంలో ప్రత్యేకపూజలు చేపట్టినారు. ఆలయాన్ని రంగురంగుల విద్యుద్దీపాలతో అందంగా అలంకరించారు. 26వతేదీ సోమవారంనాడు మహిళలు అమ్మవారికి పొంగళ్ళు సమర్పించెదరు.
విద్యుత్తు
[మార్చు]గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 18 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.
భూమి వినియోగం
[మార్చు]మైనంపాడులో భూ వినియోగం కింది విధంగా ఉంది:
- వ్యవసాయేతర వినియోగంలో ఉన్న భూమి: 124 హెక్టార్లు
- వ్యవసాయం సాగని, బంజరు భూమి: 248 హెక్టార్లు
- శాశ్వత పచ్చిక ప్రాంతాలు, ఇతర మేత భూమి: 123 హెక్టార్లు
- తోటలు మొదలైనవి సాగవుతున్న భూమి: 103 హెక్టార్లు
- వ్యవసాయం చేయదగ్గ బంజరు భూమి: 193 హెక్టార్లు
- సాగులో లేని భూముల్లో బీడు భూములు కానివి: 89 హెక్టార్లు
- బంజరు భూమి: 251 హెక్టార్లు
- నికరంగా విత్తిన భూమి: 1138 హెక్టార్లు
- నీటి సౌకర్యం లేని భూమి: 1288 హెక్టార్లు
- వివిధ వనరుల నుండి సాగునీరు లభిస్తున్న భూమి: 190 హెక్టార్లు
నీటిపారుదల సౌకర్యాలు
[మార్చు]మైనంపాడులో వ్యవసాయానికి నీటి సరఫరా కింది వనరుల ద్వారా జరుగుతోంది.
- కాలువలు: 25 హెక్టార్లు
- బావులు/బోరు బావులు: 103 హెక్టార్లు
- చెరువులు: 62 హెక్టార్లు
ఉత్పత్తి
[మార్చు]మైనంపాడులో ఈ కింది వస్తువులు ఉత్పత్తి అవుతున్నాయి.
ప్రధాన పంటలు
[మార్చు]పొగాకు, సుబాబుల్
మూలాలు
[మార్చు]- ↑ 1.0 1.1 2011 ఆంధ్ర ప్రదేశ్ జనగణన డేటా - గ్రామాలు దత్తాంశ సమితి (in ఇంగ్లీష్), భారత రిజిస్ట్రార్ జనరల్, జనగణన కమిషనరు కార్యాలయం, Wikidata Q42501043, archived from the original on 11 July 2017
- ↑ "Office of the Registrar General & Census Commissioner, India - Village amenities of 2011".