బైరెడ్డి రాజశేఖరరెడ్డి

బైరెడ్డి రాజశేఖరరెడ్డి
జననం	1957 కర్నూలు జిల్లా కి చెందిన ముచ్చుమర్రి, పగిడ్యాల మండలం
ప్రసిద్ధి	రాజకీయ నాయకుడు
తండ్రి	బైరెడ్డి శేషశయనారెడ్డి

బైరెడ్డి రాజశేఖర రెడ్డి భారతదేశానికి చెందిన ఒక రాజకీయవేత్త, రాయలసీమ వాది, రాయలసీమ ప్రాంత శ్రేయోభిలాషి. తెలంగాణ విభజనవాదం సమయంలో రాష్ట్రాన్ని విభజిస్తే "రాయలసీమ ప్రత్యేక రాష్ట్రం"గా ఏర్పాటు చేయాలన్న వాదనని తీసుకువచ్చిన నేత. రాయలసీమతో కలిపిన తెలంగాణకి గానీ, కర్నూలు, అనంతపురం జిల్లాలతో కూడిన తెలంగాణకి గానీ (రెండింటినీ రాయల తెలంగాణ గానే వ్యవహరించాడు) ఇతను వ్యతిరేకించాడు. "ప్రత్యేక రాయలసీమ రాష్ట్రం" కోసం రాయలసీమ నాలుగు జిల్లాలు తిరిగి, యువత, రైతాంగాన్ని చైతన్య పరిచిన నేత. గతంలో రెండు పర్యాయాలు నందికొట్కూరు నియోజక వర్గం నుంచి శాసనసభ కు ప్రాతినిధ్యం వహించారు.

వ్యక్తిగత జీవితం

కర్నూలు జిల్లాకి చెందిన పగిడ్యాల మండలంలోని ముచ్చుమర్రిలో 1957 లో మూడు పర్యాయములు ఎం ఎల్ ఏ అయిన బైరెడ్డి శేషశయన రెడ్డికి ఇచను జన్మించాడు. శ్రీ కృష్ణదేవరాయ విశ్వవిద్యాలయం నుండి విద్యను పూర్తి చేశారు.

వృత్తి

నందికొట్కూరు నియోజక వర్గానికి 1994 నుండి 1999 వరకు తెలుగు దేశం పార్టీ తరపున ఎం ఎల్ ఏ గా ఉన్నారు. 2004, 2009 లో జరిగిన సాధారణ ఎన్నికలలో ఓటమి చెందాడు.

రాయలసీమ పరిరక్షణ సమితి

సెప్టెంబరు 2012 లో తెలుగు దేశం పార్టీకి రాజీనామా చేసి రాయలసీమ పరిరక్షణ సమితి (ఆర్ పీ ఎస్) స్థాపించారు. రాయలసీమ వాసుల సమస్యలని జనం దృష్టికి తీసుకురావటానికి అనేక కార్యక్రమాలు చేపట్టారు. 3000 కి.మీ రాయలసీమ ప్రాంతంలో ట్రాక్టరు యాత్రని నాలుగు నెలల వరకు చేశారు.2013 ఆగస్టు 5 న రాయలసీమ పరిరక్షణ సమితి నే తన పార్టీ పేరుగా ప్రకటించారు.

ఇవి కూడా చూడండి

రాయలసీమ*వేదిక

• మనరాయలసీమ
• రాయలసీమ హక్కుల ఐక్య వేదిక
• రాయలసీమ

మూలాలు

• రాయలసీమలో కరవు, సాగునీటి సమస్యలు, పరిశ్రమల లేమి ని వివరించిన బైరెడ్డి Archived 2013-09-26 at the Wayback Machine
• రాయలసీమని ప్రత్యేక రాష్ట్రంగా ప్రకటించాలన్న బైరెడ్డి వాదన Archived 2013-07-06 at the Wayback Machine
• రాయలసీమ విభజనని వ్యతిరేకించిన బైరెడ్డి Archived 2013-06-30 at the Wayback Machine
• తెలుగు దేశం పార్టీకి రాజీనామా చేసిన బైరెడ్డి Archived 2013-12-18 at the Wayback Machine
• తెలంగాణ ఏర్పాటు ప్రకటనికి వ్యతిరేకంగా 52 గంటల నిరాహారదీక్ష చేసిన బైరెడ్డి
• విభజన నేపథ్యంలో రాయలసీమ భవిష్యత్తు పై ఆందోళన వ్యక్తం చేసిన బైరెడ్డి
• పార్టీ పేరుని రాయలసీమ పరిరక్షణ సమితి గా ప్రకటించిన బైరెడ్డి