బత్తుల బలరామకృష్ణ

బత్తుల బలరామకృష్ణ
ఎమ్మెల్యే
అధికారంలో ఉన్న వ్యక్తి
అధికార ప్రారంభం 4 జూన్ 2024 నుండి ప్రస్తుతం
ముందు	జక్కంపూడి రాజా
నియోజకవర్గం	రాజానగరం
వ్యక్తిగత వివరాలు
జననం	1975 గదరాడ గ్రామం, కోరుకొండ మండలం, తూర్పు గోదావరి జిల్లా, ఆంధ్రప్రదేశ్ రాష్ట్రం
రాజకీయ పార్టీ	జనసేన పార్టీ
తల్లిదండ్రులు	గంగారావు, గోవిందమ్మ
జీవిత భాగస్వామి	వెంకట లక్ష్మి
సంతానం	ప్రత్యూష దేవి, వందనంబిక

బత్తుల బలరామకృష్ణ ఆంధ్రప్రదేశ్ రాష్ట్రానికి చెందిన రాజకీయ నాయకుడు. ఆయన 2024లో జరిగిన ఆంధ్రప్రదేశ్ శాసనససభ ఎన్నికలలో రాజానగరం నుండి తొలిసారి ఎమ్మెల్యేగా ఎన్నికయ్యాడు.

రాజకీయ జీవితం

బత్తుల బలరామకృష్ణ కోరుకొండ మండలం గాదరాడలో శక్తిపీఠం ద్వారా ప్రజలకు పరిచయమైన ఆయన ఆ తరువాత వైఎస్‌ఆర్‌సీపీలో చేరి ఆయన సతీమణి వెంకటలక్ష్మిని ఎంపీటీసీ సభ్యురాలిగా గెలిపించుకొని అనతి కాలంలోనే ఆ పార్టీ నుంచి బయటకు వచ్చేశాడు. ఆయన ఆ తరువాత జనసేన పార్టీలో చేరగా ఆయనను రాజానగరం నియోజకవర్గానికి ఇంచార్జిగా 16 జులై 2023న జనసేన అధ్యక్షుడు పవన్ కళ్యాణ్ నియమించాడు.

బలరామకృష్ణ 2024లో జరిగిన ఆంధ్రప్రదేశ్ శాసనససభ ఎన్నికలలో జనసేన పార్టీ తరపున పోటీ చేసి తన సమీప ప్రత్యర్థి వైఎస్సార్ కాంగ్రెస్ పార్టీ అభ్యర్థి జక్కంపూడి రాజా పై 34,049 ఓట్ల మెజారిటీతో గెలిచి తొలిసారి ఎమ్మెల్యేగా అసెంబ్లీకి ఎన్నికయ్యాడు.