పొడగట్లపల్లి
పొడగట్లపల్లి | |
|---|---|
 | |
.svg)  పొడగట్లపల్లి | |
| అక్షాంశ రేఖాంశాలు: 16°44′5.676″N 81°48′42.624″E / 16.73491000°N 81.81184000°E | |
| దేశం | భారతదేశం |
| రాష్ట్రం | ఆంధ్రప్రదేశ్ |
| జిల్లా | కోనసీమ |
| మండలం | రావులపాలెం |
| విస్తీర్ణం | 6.2 కి.మీ2 (2.4 చ. మై) |
| జనాభా (2011) | 6,797 |
| • జనసాంద్రత | 1,100/కి.మీ2 (2,800/చ. మై.) |
| అదనపు జనాభాగణాంకాలు | |
| • పురుషులు | 3,378 |
| • స్త్రీలు | 3,419 |
| • లింగ నిష్పత్తి | 1,012 |
| • నివాసాలు | 1,817 |
| ప్రాంతపు కోడ్ | +91 ( ) |
| పిన్‌కోడ్ | 533236 |
| 2011 జనగణన కోడ్ | 587674 |
పొడగట్లపల్లి, డాక్టర్ బి.ఆర్. అంబేద్కర్ కోనసీమ జిల్లా, రావులపాలెం మండలానికి చెందిన గ్రామం.[2].ఈ గ్రామం గోదావరి నది పరీవాహక ప్రాంతం. ఊరి ప్రక్కగా గోదావరి కాలువ ప్రవహిస్తుంది.ఇది మండల కేంద్రమైన రావులపాలెం నుండి 5 కి. మీ. దూరం లోను, సమీప పట్టణమైన రాజమహేంద్రవరం నుండి 39 కి. మీ. దూరంలోనూ ఉంది.
గణాంకాలు
[మార్చు]2001 వ.సంవత్సరం జనాభా లెక్కల ప్రకారం గ్రామ జనాభా 5,498.[3] ఇందులో పురుషుల సంఖ్య 2,743, మహిళల సంఖ్య 2,755, గ్రామంలో నివాసగృహాలు 1,433 ఉన్నాయి.
2011 భారత జనగణన గణాంకాల ప్రకారం ఈ గ్రామం 1817 ఇళ్లతో, 6797 జనాభాతో 620 హెక్టార్లలో విస్తరించి ఉంది. గ్రామంలో మగవారి సంఖ్య 3378, ఆడవారి సంఖ్య 3419. షెడ్యూల్డ్ కులాల సంఖ్య 1356 కాగా షెడ్యూల్డ్ తెగల సంఖ్య 32. గ్రామం యొక్క జనగణన లొకేషన్ కోడ్ 587674.[4].
సమీప గ్రామాలు
[మార్చు]విద్యా సౌకర్యాలు
[మార్చు]పొడగట్లపల్లి గ్రామంలో ప్రభుత్వ ప్రాథమిక పాఠశాల, సంస్కృత ప్రాథమిక పాఠశాల, ప్రభుత్వ ఉన్నత పాఠశాల ఉన్నాయి. ఉన్నత పాఠశాల ఒకప్పుడు చెరువుగట్టు వద్ద జానకమ్మ అన్నదాన సత్రానికి చెందిన ప్రదేశంలో ఉండేది. ప్రస్తుతం గ్రామపంచాయతీ భవనం ప్రక్కన కొంత స్థలం కొని, అక్కడ ఉన్నత పాఠశాల భవనం, ప్లే గ్రౌండ్ ఏర్పాటు చేసారు. 1980ల ప్రాంతంలో ఇదే స్థలంలో సంస్కృత కళాశాల ఉండేది. ఎందుకనో ఆ కళాశాల మూతపడడంతో అదే ప్రదేశంలో ఈ కొత్త ఉన్నత పాఠశాల భవనం కట్టారు. ఈ గ్రామం పూర్వకాలం నుంచీ వేదపండితులకు పుట్టినిల్లు. ఎంతోమంది వేదపండితులు ఈ గ్రామంలో ఉండేవారు. అందుకనే ఏమో పొడగట్లపల్లిలో ఒకటవ తరగతి నుండి పోస్ట్ గ్రాడ్యుయేషన్ వరకూ సంస్కృతం తప్పనిసరి సబ్జెక్ట్ గా ఉంది. గ్రామంలో రెండుప్రైవేటు బాలబడులు ఉన్నాయి. ప్రభుత్వ ప్రాథమిక పాఠశాలలు ఏడు, ప్రభుత్వ ప్రాథమికోన్నత పాఠశాల ఒకటి, ప్రభుత్వ మాధ్యమిక పాఠశాల ఒకటి ఉన్నాయి. సమీప జూనియర్ కళాశాల, ప్రభుత్వ ఆర్ట్స్ / సైన్స్ డిగ్రీ కళాశాల రావులపాలెంలోను, ఇంజనీరింగ్ కళాశాల రాజమహేంద్రవరంలోను ఉన్నాయి. సమీప వైద్య కళాశాల అమలాపురంలోను, పాలీటెక్నిక్‌ రావులపాలెంలోను, మేనేజిమెంటు కళాశాల పలివెలలోనూ ఉన్నాయి. సమీప వృత్తి విద్యా శిక్షణ పాఠశాల, అనియత విద్యా కేంద్రం రావులపాలెంలోను, దివ్యాంగుల ప్రత్యేక పాఠశాల రాజమహేంద్రవరం లోనూ ఉన్నాయి.
గ్రామంలో మౌలిక వసతులు
[మార్చు]బైర్రాజు ఫౌండేషన్ ద్వారా వాటర్ టీట్మెంట్ ప్లాంట్ నిర్మించి గ్రామం అంతటికీ మంచినీరు అందిస్తున్నారు
వైద్య సౌకర్యం
[మార్చు]ప్రభుత్వ వైద్య సౌకర్యం
[మార్చు]పొడగట్లపల్లిలో ఉన్న ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఒకరు పారామెడికల్ సిబ్బంది ఉన్నారు. ఒక పశు వైద్యశాలలో ఒక డాక్టరు, ఒకరు పారామెడికల్ సిబ్బందీ ఉన్నారు. ఒక సంచార వైద్య శాలలో డాక్టర్లు లేరు. ముగ్గురు పారామెడికల్ సిబ్బంది ఉన్నారు. ప్రాథమిక ఆరోగ్య కేంద్రం గ్రామం నుండి 5 నుండి 10 కి.మీ. దూరంలో ఉంది. డిస్పెన్సరీ గ్రామం నుండి 5 నుండి 10 కి.మీ. దూరంలో ఉంది. సమీప సామాజిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.
ప్రైవేటు వైద్య సౌకర్యం
[మార్చు]గ్రామంలో2 ప్రైవేటు వైద్య సౌకర్యాలున్నాయి. డిగ్రీ లేని డాక్టర్లు ముగ్గురు ఉన్నారు. నాలుగు మందుల దుకాణాలు ఉన్నాయి. దశాబ్దకాలం క్రితం ఈ గ్రామంలో బైర్రాజు ఫౌండేషన్ వారు ఆసుపత్రి ఏర్పాటు చేశారు. పక్కా భవనం నిర్మించి అత్యవసర వైద్య సదుపాయాలు కల్పించారు.
తాగు నీరు
[మార్చు]గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. కుళాయిల ద్వారా శుద్ధి చేయని నీరు కూడా సరఫరా అవుతోంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది.
పారిశుధ్యం
[మార్చు]మురుగునీరు బహిరంగ కాలువల ద్వారా ప్రవహిస్తుంది. మురుగునీరు బహిరంగంగా, కచ్చా కాలువల ద్వారా కూడా ప్రవహిస్తుంది. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.
సమాచార, రవాణా సౌకర్యాలు
[మార్చు]పొడగట్లపల్లిలో పోస్టాఫీసు సౌకర్యం ఉంది. సబ్ పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు గ్రామానికి 5 నుండి 10 కి.మీ. దూరంలో ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామానికి 5 నుండి 10 కి.మీ. దూరంలో ఉన్నాయి. గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. ప్రైవేటు బస్సు సౌకర్యం గ్రామానికి 5 నుండి 10 కి.మీ. దూరంలో ఉంది. రైల్వే స్టేషన్ గ్రామం నుండి 10 కి.మీ.కి పైబడిన దూరంలో ఉంది. జాతీయ రహదారి, జిల్లా రహదారి గ్రామం గుండా పోతున్నాయి. రాష్ట్ర రహదారి, ప్రధాన జిల్లా రహదారి గ్రామం నుండి 5 కి.మీ. లోపు దూరంలో ఉన్నాయి. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి. పూర్వము ఈ గ్రామానికి రావటానికి పడవలో కాలువ దాటి, తరువాత నడవవలసి వచ్చేది. పెద్ద కుటుంబ స్త్రీల సంఖ్య, బ్రాహ్మణ కుటుంబ స్త్రీల సంఖ్య పల్లకీలో వచ్చేవారు. ఇప్పుడు ఇక్కడికి రోడ్డు వేశారు.
మార్కెటింగు, బ్యాంకింగు
[మార్చు]గ్రామంలో సహకార బ్యాంకు, వ్యవసాయ పరపతి సంఘం ఉన్నాయి. గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. ఏటీఎమ్, వాణిజ్య బ్యాంకు గ్రామం నుండి 5 నుండి 10 కి.మీ. దూరంలో ఉన్నాయి. రోజువారీ మార్కెట్, వారం వారం సంత, వ్యవసాయ మార్కెటింగ్ సొసైటీ గ్రామం నుండి 5 నుండి 10 కి.మీ. దూరంలో ఉన్నాయి.
ఆరోగ్యం, పోషణ, వినోద సౌకర్యాలు
[మార్చు]గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో ఆటల మైదానం, పబ్లిక్ రీడింగ్ రూం ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ కేంద్రం, జనన మరణాల నమోదు కార్యాలయం ఉన్నాయి. సినిమా హాలు, గ్రంథాలయం గ్రామం నుండి 5 నుండి 10 కి.మీ. దూరంలో ఉన్నాయి.
ప్రముఖులు
[మార్చు]
- రేమెళ్ళ అవధానులు 1948 సెప్టెంబరు 25 న పొడగట్లపల్లిలో సూర్యనారాయణ, లక్ష్మీనరసమ్మ దంపతులకు జన్మించాడు.[5] 1976 నాటికి ఏ భారతీయ భాషనూ కంప్యూటరీకరించలేదు. అందుచేత తెలుగును కంప్యూటరీకరించాలనే ఆలోచన వచ్చింది. అవధానులు తన మిత్రులతో కలిసి ఆరు నెలల పాటు శ్రమించి తెలుగు అక్షరాలను కంప్యూటరులో ప్రవేశ పెట్టాడు. ఆ విధంగా 1976 లో భారత దేశంలో కంప్యూటరు లోకి ఎక్కిన మొట్టమొదటి భారతీయ భాష తెలుగే.
- బులుసు వెంకటేశ్వర్లు: ప్రముఖ కవి,రచయిత, సాహితీ విమర్శకులు.1956 లో కేంద్ర సాహిత్య అకాడమీ పురస్కారం పొందారు.[6]. కవివతంస బిరుదాంకితులు.
విద్యుత్తు
[మార్చు]గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 14 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.
భూమి వినియోగం
[మార్చు]పొడగట్లపల్లిలో భూ వినియోగం కింది విధంగా ఉంది:
- వ్యవసాయేతర వినియోగంలో ఉన్న భూమి: 68 హెక్టార్లు
- తోటలు మొదలైనవి సాగవుతున్న భూమి: 2 హెక్టార్లు
- నికరంగా విత్తిన భూమి: 548 హెక్టార్లు
- నీటి సౌకర్యం లేని భూమి: 224 హెక్టార్లు
- వివిధ వనరుల నుండి సాగునీరు లభిస్తున్న భూమి: 324 హెక్టార్లు
నీటిపారుదల సౌకర్యాలు
[మార్చు]పొడగట్లపల్లిలో వ్యవసాయానికి నీటి సరఫరా కింది వనరుల ద్వారా జరుగుతోంది.
- కాలువలు: 255 హెక్టార్లు
- బావులు/బోరు బావులు: 69 హెక్టార్లు
ఉత్పత్తి
[మార్చు]పొడగట్లపల్లిలో ఈ కింది వస్తువులు ఉత్పత్తి అవుతున్నాయి.
ప్రధాన పంటలు
[మార్చు]ఇతర సౌకర్యాలు
[మార్చు]ఈ ఊరి మధ్యలో ఒక చెరువు ఉంది. ఒక సంస్కృత పాఠశాల, రామాలయం, శివాలయం, అన్నదాన సత్రం ఉన్నాయి.
ఇతరాలు
[మార్చు]- ఈ గ్రామానికి పూర్వం నుండి కరణీకం కొంపెల్ల వారు నిర్వహించారు..
- ఈ గ్రామం.[2]. ర్యాలి, అంతర్వేది పుణ్యక్షేత్రాలకు చాలా దగ్గర.
మూలాలు
[మార్చు]- ↑ 2011 ఆంధ్ర ప్రదేశ్ జనగణన డేటా - గ్రామాలు దత్తాంశ సమితి (in ఇంగ్లీష్), భారత రిజిస్ట్రార్ జనరల్, జనగణన కమిషనరు కార్యాలయం, Wikidata Q42501043, archived from the original on 11 July 2017
- ↑ 2.0 2.1 "భారత ప్రభుత్వం నిర్వహించిన 2011 గణాంకాల జాలగూడు". Archived from the original on 2014-07-19. Retrieved 2013-12-09.
- ↑ "ఆర్కైవ్ నకలు". Archived from the original on 2014-07-19. Retrieved 2013-12-09.
- ↑ "Office of the Registrar General & Census Commissioner, India - Village amenities of 2011".
- ↑ "ఆర్కైవ్ నకలు" (PDF). Archived from the original (PDF) on 2012-07-20. Retrieved 2013-05-28.
- ↑ "AKADEMI AWARDS (1955-2014)". Archived from the original on 2016-03-04. Retrieved 2015-08-28.