పలుగుంటిపల్లి

పలుగుంటిపల్లి
గ్రామం
పలుగుంటిపల్లి
అక్షాంశ రేఖాంశాలు: 15°28′47.424″N 78°57′44.064″E
దేశం	భారతదేశం
రాష్ట్రం	ఆంధ్రప్రదేశ్
జిల్లా	ప్రకాశం
మండలం	రాచర్ల
అదనపు జనాభాగణాంకాలు
• లింగ నిష్పత్తి	స్త్రీ, పురుష జనాభా వివరాలు లేవు
ప్రాంతపు కోడ్	+91 ( 08405  )
పిన్‌కోడ్	523368

పలుగుంటిపల్లి, ప్రకాశం జిల్లా రాచర్ల మండలానికి చెందిన రెవెన్యూయేతర గ్రామం.

గ్రామ చరిత్ర

పూర్వ కాలంలో భగవంతుడు అయిన ఆంజనేయ స్వామి వారు ఆకాశ మార్గాన ఈ గ్రామం పై నుంచి ప్రయాణిస్తూ ఉన్న సమయంలో ఆయన చేతి లోని పాల కుండ పొరపాటున క్రింద పడి పగిలి పోయి దానిలో ఉన్న పాలు ఒక పెద్ద తెల్లని రాయిగా మారాయి . ఆ తెల్లని రాయి నే పలుగు గుండు అని పిలిచారు అప్పటి నుండి ఈ ఊరు పేరు పలుగుంటి పల్లి అని పిలవడం మొదలుపెట్టారు. ఇప్పటికీ ఇది ఊరికి ఉత్తరం దిశలో ఉంది

విద్యా సౌకర్యాలు

మండల పరిషత్తు ప్రాథమిక పాఠశాల:- ఈ పాఠశాల పూర్వ విద్యార్థులు, గ్రామస్థులు, ఈ పాఠశాల అభివృద్ధికి ఆర్థిక సహకారం అందించడంతో, ఈ పాఠశాల ఇతర పాఠశాలలకు ఆదర్శంగా నిలుచుచున్నది. విద్యార్థుల యొక్క క్రీడా స్ఫూర్తి అభినందించ తగినది

దర్శనీయ ప్రదేశాలు/దేవాలయాలు

1. శ్రీ పట్టాభిరామస్వామివారి ఆలయం:- ఈ ఆలయ పంచమ వార్షికోత్సవ మహోత్సవాలు ప్రతి సంవత్సరం వైశాఖ శుద్ధ పౌర్ణమి నాడు ప్రారంభించెదరు. మరుసటి రోజు ఉదయం స్వామివారి కళ్యాణం ఘనంగా నిర్వహించెదరు. అనంతరం శాంతిహోమం నిర్వహించెదరు. సాయంత్రం స్వామివారికి గ్రామోత్సవం నిర్వహించెదరు.
2. శ్రీ పోలేరమ్మ అమ్మవారి ఆలయం.
3. ఈ గ్రామంలో 27 అడుగుల హనుమన్ విగ్రహం వద్ద ప్రతిష్ఠించు విగ్రహాలకు, 2015, నవంబరు-24వ తేదీనాడు గ్రామోత్సవం నిర్వహించారు.
4. ఈ గ్రామంలో సుమారు 20 లక్షల ఖర్చు చేసి ప్రతిష్ఠాత్మకంగా పీర్ల చావిడి నిర్మించారు
5. ఈ గ్రామంలో ముుఖ్యమైన పండుగ మొహరం (పీర్ల పండుగ)
6. గ్రామంలో ఉత్తరం వైపు చారిత్రక ఆధారం అయిన తెల్లని పలుగు రాయి ఉన్నది దీని ఎత్తు సుమారు 20 అడుగులు
7. ఈ గ్రామంలో రాబోవు 2 సంవత్సరాలలో శివుని గుడి నిర్మించ తలపెట్టారు

ప్రధాన పంటలు

వరి, మిరప, పత్తి, మల్బరీ సాగు, కూరగాయలు

ప్రధాన వృత్తులు

వ్యవసాయం. ఆర్మీ, పారా మిలటరీ, సాఫ్టువేర్