చినగొల్లపాలెం
చినగొల్లపాలెం | |
|---|---|
 | |
.svg)  చినగొల్లపాలెం | |
| అక్షాంశ రేఖాంశాలు: 16°22′5.520″N 81°29′28.932″E / 16.36820000°N 81.49137000°E | |
| దేశం | భారతదేశం |
| రాష్ట్రం | ఆంధ్రప్రదేశ్ |
| జిల్లా | కృష్ణా |
| మండలం | కృత్తివెన్ను |
| విస్తీర్ణం | 25.53 కి.మీ2 (9.86 చ. మై) |
| జనాభా (2011) | 8,138 |
| • జనసాంద్రత | 320/కి.మీ2 (830/చ. మై.) |
| అదనపు జనాభాగణాంకాలు | |
| • పురుషులు | 4,079 |
| • స్త్రీలు | 4,059 |
| • లింగ నిష్పత్తి | 995 |
| • నివాసాలు | 2,357 |
| ప్రాంతపు కోడ్ | +91 ( ) |
| పిన్‌కోడ్ | 534281 |
| 2011 జనగణన కోడ్ | 589376 |
చినగొల్లపాలెం, కృష్ణా జిల్లా, కృతివెన్ను మండలానికి చెందిన గ్రామం.ఇది మండల కేంద్రమైన కృత్తివెన్ను నుండి 15 కి. మీ. దూరం లోను, సమీప పట్టణమైన భీమవరం నుండి 25 కి. మీ. దూరంలోనూ ఉంది. 2011 భారత జనగణన గణాంకాల ప్రకారం ఈ గ్రామం 2357 ఇళ్లతో, 8138 జనాభాతో 2553 హెక్టార్లలో విస్తరించి ఉంది. గ్రామంలో మగవారి సంఖ్య 4079, ఆడవారి సంఖ్య 4059. షెడ్యూల్డ్ కులాల సంఖ్య 199 కాగా షెడ్యూల్డ్ తెగల సంఖ్య 77. గ్రామ జనగణన లొకేషన్ కోడ్ 589376.[2]
గ్రామ చరిత్ర
[మార్చు]1970 వరకూ చినగొల్లపాలెం మూడువైపులా నీరు, ఒకవైపు నేల ఉన్న ద్వీపకల్పంగా ఉండేది. 1974-75 మధ్యకాలంలో నేలవున్న వైపు కూడా ఏటిని తవ్వడంతో ఇది దీవిలా మారిపోయింది. పూర్వం ఈ గ్రామం పడతడిక గ్రామపంచాయితీకి శివారు గ్రామంగా ఉండేది. 1995 నుంచి మేజర్ పంచాయితీగా కొనసాగుతోంది. గతంలో మల్లేశ్వరం నియోజకవర్గంలో భాగంగా ఉన్న గ్రామం ప్రస్తుతం పెడన శాసనసభ నియోజకవర్గంలో భాగంగా ఉంది.[3]
విద్యా సౌకర్యాలు
[మార్చు]గ్రామంలో ప్రభుత్వ ప్రాథమిక పాఠశాలలు 9, ప్రభుత్వ ప్రాథమికోన్నత పాఠశాలలు నాలుగు, ప్రభుత్వ మాధ్యమిక పాఠశాలలు రెండు ఉన్నాయి.సమీప బాలబడి కృత్తివెన్నులో ఉంది.సమీప జూనియర్ కళాశాల, ప్రభుత్వ ఆర్ట్స్ / సైన్స్ డిగ్రీ కళాశాల, ఇంజనీరింగ్ కళాశాల భీమవరంలో ఉన్నాయి. సమీప వైద్య కళాశాల విజయవాడలోను, మేనేజిమెంటు కళాశాల, పాలీటెక్నిక్‌లు భీమవరంలోనూ ఉన్నాయి. సమీప వృత్తి విద్యా శిక్షణ పాఠశాల భీమవరంలోను, అనియత విద్యా కేంద్రం, దివ్యాంగుల ప్రత్యేక పాఠశాలలు విజయవాడలోనూ ఉన్నాయి.
వైద్య సౌకర్యం
[మార్చు]ప్రభుత్వ వైద్య సౌకర్యం
[మార్చు]చినగొల్లపాలెంలో ఉన్న ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఇద్దరు పారామెడికల్ సిబ్బంది ఉన్నారు.
సంచార వైద్య శాల గ్రామం నుండి 5 నుండి 10 కి.మీ. దూరంలో ఉంది. సమీప సామాజిక ఆరోగ్య కేంద్రం, ప్రాథమిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ, పశు వైద్యశాల, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.
ప్రైవేటు వైద్య సౌకర్యం
[మార్చు]గ్రామంలో2 ప్రైవేటు వైద్య సౌకర్యాలున్నాయి. ఎమ్బీబీయెస్ కాకుండా ఇతర డిగ్రీలు చదివిన డాక్టరు ఒకరు, డిగ్రీ లేని డాక్టర్లు ఇద్దరు ఉన్నారు. ఒక మందుల దుకాణం ఉంది.
తాగు నీరు
[మార్చు]గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. కుళాయిల ద్వారా శుద్ధి చేయని నీరు కూడా సరఫరా అవుతోంది. బావుల నీరు కూడా అందుబాటులో ఉంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది. బోరుబావుల ద్వారా కూడా ఏడాది పొడుగునా నీరు అందుతుంది. చెరువు ద్వారా గ్రామానికి తాగునీరు లభిస్తుంది.
పారిశుధ్యం
[మార్చు]గ్రామంలో మురుగునీటి పారుదల వ్యవస్థ లేదు. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.
సమాచార, రవాణా సౌకర్యాలు
[మార్చు]చినగొల్లపాలెంలో సబ్ పోస్టాఫీసు సౌకర్యం ఉంది. పోస్ట్ అండ్ టెలిగ్రాఫ్ ఆఫీసు గ్రామానికి 5 నుండి 10 కి.మీ. దూరంలో ఉంది. పోస్టాఫీసు సౌకర్యం గ్రామం నుండి 10 కి.మీ.కి పైబడిన దూరంలో ఉంది. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ప్రైవేటు కొరియర్ గ్రామానికి 5 నుండి 10 కి.మీ. దూరంలో ఉంది. ఇంటర్నెట్ కెఫె / సామాన్య సేవా కేంద్రం గ్రామం నుండి 10 కి.మీ.కి పైబడిన దూరంలో ఉంది.
సమీప గ్రామాల నుండి ఆటో సౌకర్యం ఉంది. ప్రభుత్వ రవాణా సంస్థ బస్సు సౌకర్యం, ప్రైవేటు బస్సు సౌకర్యం, ట్రాక్టరు సౌకర్యం మొదలైనవి గ్రామానికి 5 నుండి 10 కి.మీ. దూరంలో ఉన్నాయి. రైల్వే స్టేషన్ గ్రామం నుండి 10 కి.మీ.కి పైబడిన దూరంలో ఉంది.
జాతీయ రహదారి, జిల్లా రహదారి గ్రామం గుండా పోతున్నాయి. ప్రధాన జిల్లా రహదారి గ్రామం నుండి 5 నుండి 10 కి.మీ. దూరంలో ఉంది. రాష్ట్ర రహదారి గ్రామం నుండి 10 కి.మీ.కి పైబడిన దూరంలో ఉంది. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.
- ఉప్పుటేరు మధ్యలో లంక గ్రామం ఇది. ఇక్కడే ఉప్పుటేరు బంగాళాఖాతంలో కలుస్తుంది. ఇక్కడ ఉప్పుటేరు మీద వంతెన కట్టిన తర్వాత మచిలీపట్నానికీ, భీమవరానికీ వెళ్ళటానికి మార్గం సుగమం అయ్యింది.
- మానవకల్పిత దీవియైన ఈ ప్రాంతంతో 1975 నుంచి నలభై ఏళ్లపాటుగా రోడ్డు రవాణా తెగిపోయింది. 2014-15లో నిర్మించిన రోడ్లు, వంతెనలతో రోడ్డు రవాణా సౌకర్యం మళ్లీ ఏర్పడింది. 22 కోట్ల రూపాయలతో పడతడిక నుంచి గ్రామానికి ఏర్పడిన ఈ వంతెన వల్ల కృష్ణాజిల్లాకు చెందిన పొరుగు ప్రాంతాలతో రోడ్డు రవాణా సంబంధాలు ఏర్పడ్డాయి. చినగొల్లపాలెం-మొగల్తూరు మధ్య 23 కోట్ల రూపాయలతో నిర్మించిన వంతెన పశ్చిమగోదావరి జిల్లా ప్రాంతాలకు రాకపోకలను కల్పిస్తోంది.
భీమవరం, జక్కారం నుండి, కైకలూరు ల నుండి బస్సు, ఆటోల సౌకర్యం ఉంది.
మార్కెటింగు, బ్యాంకింగు
[మార్చు]గ్రామంలో స్వయం సహాయక బృందం, పౌర సరఫరాల కేంద్రం, వారం వారం సంత ఉన్నాయి.కెనరా వాణిజ్య బ్యాంకు ఈ గ్రామంలో 2022 సంవత్సరంలో నిర్మాణం జరిగి, సేవలు అందిస్తుంది, సహకార బ్యాంకు, వ్యవసాయ పరపతి సంఘం గ్రామం నుండి 5 నుండి 10 కి.మీ. దూరంలో ఉన్నాయి. వ్యవసాయ మార్కెటింగ్ సొసైటీ గ్రామం నుండి 5 నుండి 10 కి.మీ. దూరంలో ఉంది.కెనరా బ్యాంక్ ఏటీఎమ్ సౌకర్యం ఉంది.
ఆరోగ్యం, పోషణ, వినోద సౌకర్యాలు
[మార్చు]గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ కేంద్రం, జనన మరణాల నమోదు కార్యాలయం ఉన్నాయి. ఆటల మైదానం గ్రామం నుండి 10 కి.మీ.కి పైబడిన దూరంలో ఉంది. సినిమా హాలు, గ్రంథాలయం, పబ్లిక్ రీడింగ్ రూం గ్రామం నుండి 10 కి.మీ.కి పైబడిన దూరంలో ఉన్నాయి.
విద్యుత్తు
[మార్చు]గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 15 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.
భూమి వినియోగం
[మార్చు]చినగొల్లపాలెంలో భూ వినియోగం కింది విధంగా ఉంది:
- వ్యవసాయేతర వినియోగంలో ఉన్న భూమి: 328 హెక్టార్లు
- వ్యవసాయం సాగని, బంజరు భూమి: 134 హెక్టార్లు
- శాశ్వత పచ్చిక ప్రాంతాలు, ఇతర మేత భూమి: 833 హెక్టార్లు
- తోటలు మొదలైనవి సాగవుతున్న భూమి: 489 హెక్టార్లు
- వ్యవసాయం చేయదగ్గ బంజరు భూమి: 117 హెక్టార్లు
- సాగులో లేని భూముల్లో బీడు భూములు కానివి: 107 హెక్టార్లు
- బంజరు భూమి: 136 హెక్టార్లు
- నికరంగా విత్తిన భూమి: 405 హెక్టార్లు
- నీటి సౌకర్యం లేని భూమి: 547 హెక్టార్లు
- వివిధ వనరుల నుండి సాగునీరు లభిస్తున్న భూమి: 102 హెక్టార్లు
నీటిపారుదల సౌకర్యాలు
[మార్చు]చినగొల్లపాలెంలో వ్యవసాయానికి నీటి సరఫరా కింది వనరుల ద్వారా జరుగుతోంది.
- కాలువలు: 102 హెక్టార్లు
ఉత్పత్తి
[మార్చు]చినగొల్లపాలెంలో ఈ కింది వస్తువులు ఉత్పత్తి అవుతున్నాయి.
ప్రధాన పంటలు
[మార్చు]గ్రామ పంచాయతీ
[మార్చు]- ఈ వూరివారయిన కొప్పినీడి హనుమంతరావు (దీవిరాజు) బీ.యస్.సీ. (ఎగ్రికల్చర్) చదివి ఆర్.టీ.సీ.లో డిపో మేనేజరుగా ఉద్యోగం వస్తే కాదని వ్యవసాయంపై మక్కువతో గ్రామంలోనే ఉండి 1982, 1996, 2006 లలో సర్పంచిగా పనిచేశారు. చిన్నగొల్లపాలెందీవికి మౌలిక వసతులు కల్పించటంలో ఎనలేని కృషి చేశారు. మండలంలో ఎక్కువ సార్లు సర్పంచిగా ఎన్నికైంది వీరే. ఒక్కసారి మాత్రం ఉప సర్పంచిగా చేశారు.[4]
- ఈ గ్రామ పంచాయతీకి 2013 జూలైలో జరిగిన ఎన్నికలలో జడ్డు వడ్డికాసులు సర్పంచిగా ఎన్నికైనాడు.[5] [3]
దర్శనీయ ప్రదేశాలు/దేవాలయాలు
[మార్చు]ఈ దీవి పర్యాటకపరంగా చాలా ముఖ్యమైన ప్రాంతం. సముద్రతీరం వెంబడి కొబ్బరితోటలు, సరుగుడు తోలు, ఇసుక మేటలు, పక్కన రోడ్డు మార్గం వంటివన్నీ చాలా ఆహ్లాదకరమైన వాతావరణాన్ని ఈ గ్రామానికి కల్పిస్తున్నాయి. చినగొల్లపాలెంలోని రోడ్డుమార్గాలు రెండువైపులా ఉన్న ఉప్పుటేరు, ఆ ఏరు పొడవునా ఏర్పడిన మొగలి పొదలు వాటి వద్దకు కాలానుగుణంగా వలసవచ్చే విదేశీ పక్షులు పర్యాటకుల్ని ఆకర్షిస్తాయి. ఈ దీవి మొత్తం ప్రకృతి అందాలతో పులకింపజేస్తుంది. ఈ గ్రామంలోని బీచ్‌ల అందాల వల్ల ఆంధ్రా గోవాగా చినగొల్లపాలెంకు పేరువచ్చింది.[3]
గ్రామంలోని ప్రముఖులు (నాడు/నేడు)
[మార్చు]ఈ గ్రామానికి చెందిన రేవు ముత్యలరావు, సివిల్ సర్వీసెస్ లో మంచి ర్యాంకు పొంది ఈ గ్రామాన్ని వార్తలోకి తెచ్చాడు.[6]
- రేవు ముత్యాలరాజు: ఐండియన్ సివిల్ సర్వీస్ పరీక్షల్లో టాపర్ గా నిలిచి ప్రస్తుతం ఐ.ఎ.ఎస్. అధికారిగా పనిచేస్తున్నారు.
- పులవర్తి రామాంజనేయులు: రాజకీయ నాయకుడు, భీమవరం మాజీ శాసన సభ్యులు.
గ్రామ విశేషాలు
[మార్చు]ఈ గ్రామానికి చెందిన శ్రీ పరింకాయల ఏడుకొండలు, ప్రస్తుతం, సెంట్రల్ పబ్లిక్ వర్క్స్ డిపార్ట్ మెంట్ లో జె.ఈ.గా పనిచేస్తున్నారు. వీరు 2014 స్టాఫ్ సెలెక్షన్ కమిషన్ పరీక్షలలో, అఖిల భారత స్థాయిలో, 169వ స్థానం సంపాదించి, జె.ఈ.గా ఎంపికైనారు. వీరు ముందుగా ప్రిలింస్ లోనూ, ఆ తరువాత మెయిన్స్ లోనూ ఉత్తీర్ణత సాధించి, ఇటీవల నిర్వహించిన ఇంటర్ వ్యూలో ఎంపికై 169వ ర్యాంక్ సాధించారు. [6]
గణాంకాలు
[మార్చు]2001 వ.సంవత్సరం జనాభా లెక్కల ప్రకారం గ్రామ జనాభా 9650. ఇందులో పురుషుల సంఖ్య 4898, స్త్రీల సంఖ్య 4752, గ్రామంలో నివాసగృహాలు 2452 ఉన్నాయి.
మూలాలు
[మార్చు]- ↑ 2011 ఆంధ్ర ప్రదేశ్ జనగణన డేటా - గ్రామాలు దత్తాంశ సమితి (in ఇంగ్లీష్), భారత రిజిస్ట్రార్ జనరల్, జనగణన కమిషనరు కార్యాలయం, Wikidata Q42501043, archived from the original on 11 July 2017
- ↑ "Office of the Registrar General & Census Commissioner, India - Village amenities of 2011".
- ↑ 3.0 3.1 వెంకటేశ్వరరావు, కె. (2015-01-11). "చినగొల్లపాలెం.. ఆంధ్రా గోవా". ఆదివారం ఆంధ్రజ్యోతి.
- ↑ ఈనాడు కృష్ణా జులై 18, 2013. 11వ పేజీ.
- ↑ ఈనాడు కృష్ణా ఆగష్టు 4, 2013. 5వ పేజీ.
- ↑ ది హిందూ దినపత్రిక జులై 14, 2013. 2వ పేజీ.
వెలుపలి లంకెలు
[మార్చు][6] ఈనాడు కృష్ణా; 2015, మే నెల-22వతేదీ; 11వపేజీ.