గొల్లల మామిడాడ
గొల్లల మామిడాడ | |
|---|---|
 గొల్లల మామిడాడ విహంగ వీక్షణం | |
 | |
.svg)  గొల్లల మామిడాడ | |
| అక్షాంశ రేఖాంశాలు: 16°56′11.724″N 82°4′27.588″E / 16.93659000°N 82.07433000°E | |
| దేశం | భారతదేశం |
| రాష్ట్రం | ఆంధ్రప్రదేశ్ |
| జిల్లా | కాకినాడ |
| మండలం | పెదపూడి |
| విస్తీర్ణం | 7.83 కి.మీ2 (3.02 చ. మై) |
| జనాభా (2011) | 14,377 |
| • జనసాంద్రత | 1,800/కి.మీ2 (4,800/చ. మై.) |
| అదనపు జనాభాగణాంకాలు | |
| • పురుషులు | 7,071 |
| • స్త్రీలు | 7,306 |
| • లింగ నిష్పత్తి | 1,033 |
| • నివాసాలు | 4,169 |
| ప్రాంతపు కోడ్ | +91 ( ) |
| పిన్‌కోడ్ | 533344 |
| 2011 జనగణన కోడ్ | 587509 |
గొల్లల మామిడాడ లేదా జీ.మామిడాడ, కాకినాడ జిల్లా, పెదపూడి మండలానికి చెందిన గ్రామం.[2].ఇది మండల కేంద్రమైన పెదపూడి నుండి 7 కి. మీ. దూరం లోను, సమీప పట్టణమైన రామచంద్రపురం నుండి 15 కి. మీ. దూరంలోనూ ఉంది. పెదపూడి మండలంలోని ఈ ఊరు చిన్న పట్టణం లాంటిది. అసలు మండల కేంద్రానికి ఉండవలసిన అర్హతలున్నా, పొలీసు స్టేషను లేని కారణంగా మామిడాడకు దగ్గరలో ఉన్న పెదపూడి పేరున మండలం ఏర్పాటు చేశారని చెబుతారు.
గణాంకాలు
[మార్చు]2011 భారత జనగణన గణాంకాల ప్రకారం ఈ గ్రామం 4169 ఇళ్లతో, 14377 జనాభాతో 783 హెక్టార్లలో విస్తరించి ఉంది. గ్రామంలో మగవారి సంఖ్య 7071, ఆడవారి సంఖ్య 7306. షెడ్యూల్డ్ కులాల సంఖ్య 1741 కాగా షెడ్యూల్డ్ తెగల సంఖ్య 100. గ్రామం జనగణన లొకేషన్ కోడ్ 587509[3].
2001 వ.సంవత్సరం జనాభా లెక్కల ప్రకారం గ్రామ జనాభా 14, 254.[4] ఇందులో పురుషుల సంఖ్య 7, 143, మహిళల సంఖ్య 7, 111, గ్రామంలో నివాస గృహాలు 3, 636 ఉన్నాయి.
విద్యా సౌకర్యాలు
[మార్చు]ప్రాథమిక పాఠశాలలు, కాన్వెంటులు మొదలుకుని పోస్ట్ గ్రాడ్యుయేషన్ వరకు మామిడాడలోనే చదువుకునేందుకు విద్యావకాశాలున్నాయి.ఈ గ్రామంలోని చాల మంది విద్యార్థులు ఇంజనీరింగ్ విద్యను అభ్యసిస్తునారుగ్రామంలో ఆరుప్రైవేటు బాలబడులు ఉన్నాయి. ప్రభుత్వ ప్రాథమిక పాఠశాలలు 9, ప్రైవేటు ప్రాథమిక పాఠశాలలు ఆరు, ప్రభుత్వ ప్రాథమికోన్నత పాఠశాలలు ఐదు, ప్రైవేటు ప్రాథమికోన్నత పాఠశాలలు మూడు, ప్రభుత్వ మాధ్యమిక పాఠశాలలు మూడు, ప్రైవేటు మాధ్యమిక పాఠశాలలు రెండు ఉన్నాయి. ఒక ప్రభుత్వ జూనియర్ కళాశాల, ఒక ప్రైవేటు జూనియర్ కళాశాల ఒక ప్రైవేటు ఆర్ట్స్ / సైన్స్ డిగ్రీ కళాశాల ఉన్నాయి. గ్రామంలో ఒక ప్రైవేటు మేనేజిమెంటు కళాశాల ఉంది.
సమీప ఇంజనీరింగ్ కళాశాల కాకినాడలో ఉంది. సమీప వైద్య కళాశాల, పాలీటెక్నిక్ కాకినాడలో ఉన్నాయి. సమీప వృత్తి విద్యా శిక్షణ పాఠశాల, అనియత విద్యా కేంద్రం, దివ్యాంగుల ప్రత్యేక పాఠశాల కాకినాడలో ఉన్నాయి.
వైద్య సౌకర్యం
[మార్చు]ప్రభుత్వ వైద్య సౌకర్యం
[మార్చు]జి. మామిడాడ్దలో ఉన్న మూడు ప్రాథమిక ఆరోగ్య ఉప కేంద్రాల్లో డాక్టర్లు లేరు. ఆరుగురు పారామెడికల్ సిబ్బంది ఉన్నారు.
ప్రాథమిక ఆరోగ్య కేంద్రం గ్రామం నుండి 5 నుండి 10 కి.మీ. దూరంలో ఉంది. పశు వైద్యశాల, సంచార వైద్య శాల గ్రామం నుండి 5 నుండి 10 కి.మీ. దూరంలో ఉన్నాయి. సమీప సామాజిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.
ప్రైవేటు వైద్య సౌకర్యం
[మార్చు]గ్రామంలో23 ప్రైవేటు వైద్య సౌకర్యాలున్నాయి. ఎమ్బీబీయెస్ డాక్టర్లు ముగ్గురు, ఎమ్బీబీయెస్ కాకుండా ఇతర డిగ్రీలు చదివిన డాక్టర్లు 10 మంది, డిగ్రీ లేని డాక్టర్లు 10 మంది ఉన్నారు. ఆరు మందుల దుకాణాలు ఉన్నాయి.
తాగు నీరు
[మార్చు]గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. బావుల నీరు కూడా అందుబాటులో ఉంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది.
పారిశుధ్యం
[మార్చు]గ్రామంలో భూగర్భ మురుగునీటి వ్యవస్థ ఉంది. మురుగునీరు బహిరంగ కాలువల ద్వారా కూడా ప్రవహిస్తుంది. మురుగునీరు బహిరంగంగా, కచ్చా కాలువల ద్వారా కూడా ప్రవహిస్తుంది. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.
సమాచార, రవాణా సౌకర్యాలు
[మార్చు]జి. మామిడాడ్దలో పోస్టాఫీసు సౌకర్యం, సబ్ పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్, ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ మొదలైన సౌకర్యాలు ఉన్నాయి.
గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. ప్రైవేటు బస్సు సౌకర్యం, రైల్వే స్టేషన్ మొదలైనవి గ్రామానికి 5 నుండి 10 కి.మీ. దూరంలో ఉన్నాయి.
ప్రధాన జిల్లా రహదారి, జిల్లా రహదారి గ్రామం గుండా పోతున్నాయి. జాతీయ రహదారి, రాష్ట్ర రహదారి గ్రామం నుండి 10 కి.మీ.కి పైబడిన దూరంలో ఉన్నాయి. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.
రోడ్డు మార్గం:మామిడాడ నుంచి కాకినాడ 17 కి.మీ.ల దూరంలో ఉంది. కాకినాడ నుండి మామిడాడకు సిటీ బస్సులు, ఆటోలు మొదలైన రవాణా సదుపాయం. ఊరికి ఐదు కిలోమీటర్ల దూరంలోని బిక్కవోలు చేరితే అక్కడి నుంచి ప్రతి పావుగంటకు రాజమండ్రికి, సామర్లకోటకు బస్సులు దొరుకుతాయి.
రైల్వే స్టేషను: మామిడాడ నుండి సామర్లకోట రైల్వే స్టేషను సుమారు 17 కి.మీ.ల దూరంలో ఉంది. మామిడాడ నుండి కాకినాడ రైల్వే స్టేషను సుమారు 25 కి.మీ.ల దూరంలో ఉంది.
విమానాశ్రయము: మామిడాడ నుండి రాజమండ్రి విమానాశ్రయము సుమారు 35 కి.మీ.ల దూరంలో ఉంది. రాజమండ్రి విమానాశ్రయము నుండి హైదరాబాదుకు ప్రతీ రోజూ రెండు (కింగ్ ఫిషర్, జెట్ ఎయర్ వేస్) విమానములు ఉన్నాయి. మామిడాడ నుండి విశాఖపట్నం అంతర్జాతీయ విమానాశ్రయము సుమారు 200 కి.మీ.ల దూరంలో ఉంది. ఇక్కడి నుండి విజయవాడ, హైదరాబాదు, బొంబాయి, ఢిల్లీ, చెన్నై, భువనేశ్వర్ నగరాలకు, అంతర్జాతీయంగా దుబాయ్, సింగపూర్ దేశాలకు విమానాలు తిరుగుతాయి
మార్కెటింగు, బ్యాంకింగు
[మార్చు]గ్రామంలో వాణిజ్య బ్యాంకు ఉంది. గ్రామంలో స్వయం సహాయక బృందం, పౌర సరఫరాల కేంద్రం, వారం వారం సంత, వ్యవసాయ మార్కెటింగ్ సొసైటీ ఉన్నాయి. వ్యవసాయ పరపతి సంఘం గ్రామం నుండి 5 కి.మీ. లోపు దూరంలో ఉంది. సహకార బ్యాంకు గ్రామం నుండి 5 నుండి 10 కి.మీ. దూరంలో ఉంది. ఏటీఎమ్ గ్రామం నుండి 10 కి.మీ.కి పైబడిన దూరంలో ఉంది.
ఆరోగ్యం, పోషణ, వినోద సౌకర్యాలు
[మార్చు]గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో ఆటల మైదానం, సినిమా హాలు, పబ్లిక్ రీడింగ్ రూం ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ కేంద్రం, జనన మరణాల నమోదు కార్యాలయం ఉన్నాయి. గ్రంథాలయం గ్రామం నుండి 5 నుండి 10 కి.మీ. దూరంలో ఉంది.
విద్యుత్తు
[మార్చు]గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 14 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.
భూమి వినియోగం
[మార్చు]జి. మామిడాడ్దలో భూ వినియోగం కింది విధంగా ఉంది.
- వ్యవసాయేతర వినియోగంలో ఉన్న భూమి: 185 హెక్టార్లు
- సాగులో లేని భూముల్లో బీడు భూములు కానివి: 2 హెక్టార్లు
- బంజరు భూమి: 14 హెక్టార్లు
- నికరంగా విత్తిన భూమి: 580 హెక్టార్లు
- నీటి సౌకర్యం లేని భూమి: 17 హెక్టార్లు
- వివిధ వనరుల నుండి సాగునీరు లభిస్తున్న భూమి: 580 హెక్టార్లు
నీటిపారుదల సౌకర్యాలు
[మార్చు]జి. మామిడాడ్దలో వ్యవసాయానికి నీటి సరఫరా కింది వనరుల ద్వారా జరుగుతోంది.
- కాలువలు: 580 హెక్టార్లు
ఉత్పత్తి
[మార్చు]జి. మామిడాడ్దలో ఈ కింది వస్తువులు ఉత్పత్తి అవుతున్నాయి.వ్యవసాయం ఇక్కడ ప్రధాన పంట.ఈ ఊరిలో ఎక్కువ మంది ఈ పంట మీద అధారపడి జీవిస్తారు
ప్రధాన పంటలు
[మార్చు]పారిశ్రామిక ఉత్పత్తులు
[మార్చు]పచ్చళ్ళు
గ్రామంలోని దర్శనీయ ప్రదేశాలు/ దేవాలయాలు
[మార్చు]ఊరిలో ప్రతి వీధికీ ఒక గుడో, భజన మందిరమో కనిపిస్తుంది. ఇందులో సూర్యదేవాలయము, రామాలయములు ఈ ప్రాంతంలో బాగా ప్రసిద్ధి చెందినవి.
శ్రీ సూర్యనారాయణ స్వామి ఆలయం
[మార్చు]ఈ ఆలయం, కాకినాడ నుండి 20 కిలోమీటర్ల దూరంలోను, రాజమహేంద్రవరం నుండి 58 కి.మీ. అమలాపురం నుండి 65 కి.మీ. (వయా కోటిపల్లి) దూరంలోను ఉంది. గొల్లల మామిడాడ, పెదపూడి మండలం, తూర్పు గోదావరి జిల్లాలో తుల్యభాగ నది ఒడ్డున గత వంద సంవత్సరాలుగా బాగా తెలిసిన పుణ్యక్షేత్రం. తూర్పు గోదావరి జిల్లా లోని ప్రసిద్ధ, పవిత్ర పుణ్యక్షేత్రాలలో ఒకటి. ఆంధ్రదేశమంతటా గొల్లల మామిడాడను గోపురాల మామిడాడ అని పిలుస్తూ ఉంటారు. ఇక్కడ ప్రసిద్ధమైన రామాలయం ఉంది.
శ్రీరామాలయం.
[మార్చు]రామాలయానికి రెండు గోపురాలున్నాయి. పెద్ద గోపురంలో పదమూడు అంతస్తులున్నూ, చిన్నగోపురం ఎనిమిది అంతస్తుల ఎత్తూ ఉన్నాయి. తూర్పు దిక్కున గోపురం 200 అడుగుల ఎత్తు కలిగి, రామాయణం లోని ముఖ్య ఘట్టాలను అందమైన శిల్పాల ద్వారా నిక్షిప్తం చేసారు. గోపురంలోని పదమూడో అంతస్తు నుంచి చూస్తే కాకినాడలోని ఎన్.ఎఫ్.సి.ఎల్ ఫ్యాక్టరీ ట్యాంకులు కనిపిస్తాయి. పశ్చిమ దిక్కు గోపురం 160 అడుగుల ఎత్తు కలిగి ఉంది. గోపురాలకు తోడు రామాలయంలో అద్దాల మందిరం మరొక ఆకర్షణ. మొదటి అంతస్తులో రామ పట్టాభిషేక అనంతరం తనకు రావణవధ కై సహాయ పడిన వానర వీరులగు సుగ్రీవాదులకు సత్కారము చేయు సమయమున ఆంజనేయునకు రత్నాల హారమును బహూకరించగా, అందులోని రత్నములలో రామ నామమును ఆంజనేయుడు వెతుకు కొను ఘట్టమును శిల్పులు చిత్రకరించిన దృశ్యమును, అద్దాల మేడలో అతి రమ్యముగా పొందు పరచారు. గాజు అరలలో అమర్చిన సీతారామ విగ్రహాలు, సింహాసనము మొదలగు వానిని అద్దముల ద్వారా చూచినచో ఊయల ఊగు చున్నట్లుగాను, సీత రాములు సింహాసనములో కుర్చున్నట్లుగాను చూపరులకు అనిపించును.ఇదే ఆ అద్దముల అమరిక ప్రత్యేకాకర్షణ.శ్రీరామనవమి, రథసప్తమిల సందర్భంగా మామిడాడలో సంవత్సరానికి రెండు సార్లు తిరునాళ్ళు జరుగుతాయి. భద్రాచలం తరువాత అంతటి వైభవంగా శ్రీరామ నవమి ఉత్సవాలు మామిడాడలోనే జరుగుతాయని ప్రతీతి.
గ్రామ ప్రముఖులు
[మార్చు]- కుందూరి ఈశ్వరదత్తు - చరిత్రకారుడు, పాత్రికేయుడు, పురాలేఖన విజ్ఞాని.
మూలాలు
[మార్చు]- ↑ 2011 ఆంధ్ర ప్రదేశ్ జనగణన డేటా - గ్రామాలు దత్తాంశ సమితి (in ఇంగ్లీష్), భారత రిజిస్ట్రార్ జనరల్, జనగణన కమిషనరు కార్యాలయం, Wikidata Q42501043, archived from the original on 11 July 2017
- ↑ "భారత ప్రభుత్వం నిర్వహించిన 2011 గణాంకాల జాలగూడు". Archived from the original on 2014-07-19. Retrieved 2013-12-06.
- ↑ "Office of the Registrar General & Census Commissioner, India - Village amenities of 2011".
- ↑ "ఆర్కైవ్ నకలు". Archived from the original on 2014-07-19. Retrieved 2013-12-06.