కాకతీయ పత్రిక

కాకతీయ పత్రిక

సంపాదకులు	పాములపర్తి సదాశివరావు
తరచుదనం	వారపత్రిక
మొదటి సంచిక	1948
ఆఖరి సంచిక	1958
దేశం	భారతదేశం
కేంద్రస్థానం	వరంగల్లు
భాష	తెలుగు

కాకతీయ పత్రిక వారపత్రికగా పాములపర్తి సదాశివరావు సంపాదకత్వంలో 1948లో ప్రారంభమై 1958 వరకూ నడిచింది. ఈ పత్రికలో చలసాని ప్రసాదరావు, పి.ఎన్.స్వామి, జగదీశ్వరరావు, పెండెం శ్రీనివాసరావు మొదలైనవారు పనిచేశారు. పాములపర్తి సదాశివరావు భారత మాజీ ప్రధానమంత్రి పి.వి.నరసింహారావుకు సోదరుడి వరుస, బాల్యమిత్రుడు. వీరి స్నేహం వికసించి కాకతీయ పత్రిక ప్రారంభించడానికి కారణమైంది. పాములపర్తి సదాశివరావు ఈ వారపత్రికకు సంపాదకుడు కాగా పి.వి.నరసింహారావు ఈ పత్రిక నిర్వహణలో పాలుపంచుకున్నాడు. ఇద్దరూ కలిసి ఈ పత్రికలో జయ-విజయ అనే కలం పేరుతో రచనలు చేసేవారు. అవి పాఠకులను ఎంతో ఆకట్టుకున్నాయి. ఇద్దరూ అనేక కలంపేర్లతో ఈ పత్రికలో చాలా రచనలు చేశారు.

పి.వి.నరసింహారావు గొల్లరామవ్వ అనే కథను ఈ పత్రికలో ఆగష్టు 15 1949 సంచికలో “విజయ” అనే మారుపేరుతో వ్రాశాడు. ఆ రోజుల్లో ఇతడు “జయా “విజయ”, “రాజహంసొ", “భట్టాచార్య”, “రాజా” “విజయం” ఇత్యాది మారుపేర్లతో ఈ రకమైన కథలు, వ్యాసాలు ఎన్నో రాసి కాకతీయ వత్రికలో ప్రచురించాడు.