కనక్తారా
| కనక్తారా | |
_32.jpg) | |
| తెలంగాణ రాష్ట్ర భాషా సాంస్కృతిక శాఖ ఆధ్వర్యంలో హైదరాబాదులోని రవీంద్రభారతిలో నిర్వహించిన తెలంగాణ యువ నాటకోత్సవంలో 2017 అక్టోబరు 22న సురభి నాటక బృందం ప్రదర్శించిన కనక్తారా నాటకంలోని దృశ్యం | |
| కృతికర్త: | చందాల కేశవదాసు |
|---|---|
| దేశం: | భారతదేశం |
| భాష: | తెలుగు |
| ప్రక్రియ: | నాటకరంగం |
| ప్రచురణ: | కొండపల్లి వీరవెంకయ్య అండ్ సన్సు, రాజమండ్రి |
| విడుదల: | 1944 |
| పేజీలు: | 126 |
కనక్తారా నాటకము చందాల కేశవదాసు రచించిన నాటకము.
రచయిత గురించి
[మార్చు]నాటకాల్లో మొదట పాడే పరబ్రహ్మ పరమేశ్వర అనే సుప్రసిద్ధ కీర్తనను, ఆంధ్రదేశమంతటిని ఉర్రుతలూగించిన భలే మంచి చౌక బేరము పోయినన్ దొరుకదు అనే పాటను రాసిన చందాల కేశవదాసు ( 1876 జూన్ 20 - 1956 జూన్ 14) తొలి తెలుగు సినీ గీత రచయిత, నటుడు, గాయకుడు, హరికథా కళాకారుడు, అష్టావధాని, శతావధాని,, నాటకకర్త. తెలుగులో మొదటి శబ్ద చిత్రం భక్త ప్రహ్లాదకు ఈయన పాటలు రాసారు. ఆ కారణంగా తొలి తెలుగు సినీ గేయ రచయితగా చరిత్రలో నిలిచారు. ఈ గ్రంథం ఆయన రాసిన నాటకం.
పాత్రలు
[మార్చు]- పురుషులు
- సూత్రధారుడు
- ఉదయసేనుడు - మహారాజు
- క్రూరసేనుడు - ఉదయసేనుని తమ్ముడు
- ప్రతాపుడు - సేనాధిపతి
- ధీమంతుడు - మంత్రి
- సోమేశ్వర దీక్షితులు - కూటసాక్షి
- సువర్ణుడు, దేవబలుడు - న్యాయవాదులు
- మతిమంతుడు - విజయసేనుని మంత్రి
- అనంతుడు, గ్రీష్ముడు - రాంజట్టి పుత్రులు
- వైద్యుడు
- ఖుస్రూఖాన్
- లోభగుప్తుడు - వైశ్యుడు
- సేవకుడు
- కంచుకి
- గిడ్డూఖాన్ - పహారా బంట్రోతు
- సులోచనుడు - సేవకాధిపుడు
- కనకసేనుడు - ఉదయసేనుని కుమారుడు
- వీరపాలుడు, శూరపాలుడు - క్రూరుని సహచరులు
- మల్లిగాడు, నల్లిగాడు, ఎల్లిగాడు, పుల్లిగాడు - జాలరులు
- బూచిగాడు - దొంగమేటి
- విజయసేనుడు - ఉదయసేనుని మిత్రుడు
- ఋషులు
- స్త్రీలు
- కమలాదేవి - ఉదయసేనుని పట్టపురాణి
- కీరవాణి - కమల చెలికత్తె
- తార - ఉదయసేనుని కూతురు
- రత్నాబాయి, రాధాబాయి - రాంజట్టి భార్యలు
- లచ్చి - మల్లిగాని భార్య
తెలుగు సినిమాలు
[మార్చు]ఈ నాటకం ఆధారంగా రెండు తెలుగు సినిమాలు నిర్మించబడ్డాయి:
- కనకతార (1937 సినిమా), 1937లో నిర్మించిన తెలుగు సినిమా.[1] ఈ చిత్రం సరస్వతీ టాకీస్ నిర్మించగా హెచ్.వి.బాబు దర్శకత్వం వహించారు. ఇందులో దొమ్మేటి సూర్యనారాయణ, కన్నాంబ, పువ్వుల సూరిబాబు ముఖ్య తారాగణం.
- కనకతార (1956 సినిమా), 1956లో నిర్మించిన తెలుగు సినిమా.[2] దీనిని గోకుల్ ప్రొడక్షన్స్ నిర్మించగా రజనీకాంత్ దర్శకత్వం వహించారు. ఇందులో ఎస్.వి. రంగారావు, ఎస్.వరలక్ష్మి ప్రధాన పాత్రలు పోషించారు.