ఎమ్మిగనూరు

ఎమ్మిగనూరు
పట్టణం
ఎమ్మిగనూరు
Coordinates: 15.768°N 77.482°E / 15.768; 77.482
దేశం	భారతదేశం
రాష్ట్రం	ఆంధ్రప్రదేశ్
జిల్లా	కర్నూలు జిల్లా
మండలం	ఎమ్మిగనూరు మండలం
విస్తీర్ణం
• మొత్తం	14.50 కి.మీ2 (5.60 చ. మై)
జనాభా  (2011)
• మొత్తం	95,149
• జనసాంద్రత	6,600/కి.మీ2 (17,000/చ. మై.)
జనగణాంకాలు
• లింగ నిష్పత్తి	1005
ప్రాంతపు కోడ్	+91 ( )
పిన్(PIN)	518360
Website

ఎమ్మిగనూరు (యెమ్మిగనూరు) ఆంధ్రప్రదేశ్ రాష్ట్రంలోని కర్నూలు జిల్లాకు చెందిన పట్టణం, అదే పేరుగల మండలానికి ఇది కేంద్రం. ఇది మంత్రాలయం నుండి 22 కిమీ దూరంలో కర్నాటక సరిహద్దులో ఉంటుంది. ఇక్కడ ప్రతి సంవత్సరం జనవరిలో "శ్రీ నీలకంఠేశ్వర జాతర" ఘనంగా జరుగుతుంది. ఈ పట్టణం చేనేత వస్త్రాల ఉత్పత్తికి ప్రసిద్ధి.

పేరు వెనుక చరిత్ర

ఎమ్మిగనూరు పేరు వెనుక, సరిహద్దు కర్నాటక రాష్ట్ర భాష కన్నడ ప్రభావం ప్రస్ఫుటంగా కనిపిస్తుంది. కన్నడ భాషలో ఎమ్మె అంటే ఎనుము (గేదె) అని, నూరు అంటే వంద అని అర్థం. ఈప్రాంతం ఊరూ పేరూ లేని మజరా గ్రామంగా ఉన్న రోజుల్లో ఇక్కడి పశువుల సంతలో వంద రూపాయలకే ఓ గేదెను కొనుక్కోగలిగేవారట. ఆ విధంగా ఎమ్మెగె నూరు రూపాయి తగొళ్లువ ఊరు ( గేదెకు వంద రూపాయలు తీసుకునే ఊరు) గా ఈ ప్రాంతం గుర్తింపు పొందింది. ఆ తర్వాతిక్రమంలో... ఈ ప్రాంతం ఎమ్మెగెనూరు గాను, తర్వాతి రోజుల్లో ఎమ్మిగనూరు గానూ స్థిరపడిపోయింది.

చరిత్ర

ఇక్కడి చేనేత వస్త్రాలను గతంలో సింగపూరు తదితర దేశాలకు ఎగుమతులు కూడా చేసేవారు. చేనేతకారులకు ప్రత్యేకంగా ఒక కాలనీ ఉంది. మాచాని సోమప్ప ఈ కాలనీకి భూమిని సమకూర్చడంలో సహాయపడ్డాడు.

జనగణన వివరాలు

జనాభా (2011) - మొత్తం 95149.

పరిపాలన

ఎమ్మిగనూరు పురపాలక సంఘం పట్టణ పరిపాలన నిర్వహిస్తుంది.

రవాణా

కర్నాటక లోని హాగరి - తెలంగాణలోని కోదాడను కలిపే జాతీయ రహదారి 167 మార్గంలో ఎమ్మిగనూరు ఉంది. సమీప రైలు స్టేషన్ 30 కి.మీ. దూరంలో ఆదోని రైల్వే స్టేషన్.

దర్శనీయ స్థలాలు

• నీలకంఠేశ్వర స్వామి దేవాలయం
• షిర్డీ సాయి దేవాలయం
• మంత్రాలయం శ్రీ రాఘవేంద్ర స్వామి మఠం, ఎమ్మిగనూరుకు 22 కి.మీ.దూరంలోవుంది.

ఇవి కూడా చూడండి

• ఎమ్మిగనూరు శాసనసభ నియోజకవర్గం