ఆర్.సుబ్బలక్ష్మి

సుబ్బలక్ష్మి
జననం	1936 ఏప్రిల్ 21
మరణం	నవంబరు 30, 2023(2023-11-30) (aged 87) తిరువనంతపురం, కేరళ, భారతదేశం
జాతీయత	భారతీయురాలు
వృత్తి	నటి సంగీత స్వరకర్త
క్రియాశీల సంవత్సరాలు	1951–2023
జీవిత భాగస్వామి	కళ్యాణకృష్ణన్
పిల్లలు	తారా కళ్యాణ్

ఆర్.సుబ్బలక్ష్మి (1936 ఏప్రిల్ 21 - 2023 నవంబరు 30) భారతీయ కర్ణాటక సంగీత విద్వాంసురాలు, స్వరకర్త, అంతేకాకుండా, ఆమె మలయాళ సినిమా నటి. కళ్యాణరామన్ (2002), పందిప్పాడ (2005), నందనం (2002) చిత్రాలలో ఆమె నటనకు గుర్తింపు పొందింది. ఆమె కూతురు తారా కళ్యాణ్ కూడా మలయాళ సినిమా నటి.

దాదాపు 75 సినిమాల్లో నటించిన ఆమె తమిళ నటుడు విజయ్ నటించిన బీస్ట్ (2022 ) సినిమాతోపాటు, తెలుగులో అక్కినేని నాగచైతన్య నటించిన ఏమాయ చేశావే (2010), 2003లో వచ్చిన కళ్యాణ రాముడు చిత్రాల్లోనూ నటించింది. వీటితోపాటు పలు సీరియళ్ళు, వాణిజ్య ప్రకటనల్లోనూ ఆమె నటించింది.

జీవిత చరిత్ర

సుబ్బలక్ష్మి కళ్యాణకృష్ణన్ ను వివాహం చేసుకుంది. ఈ దంపతులకు ఇద్దరు కుమార్తెలు, ఒక కుమారుడు ఉన్నారు. ఆమె చిన్న కుమార్తె తారా కళ్యాణ్ కూడా ప్రముఖ నటి, నృత్యకారిణి. సుబ్బలక్ష్మి, చలనచిత్రంలోకి రాకముందు, జవహర్ బాలభవన్‌లో సంగీత విద్వాంసురాలు, నృత్య శిక్షకురాలు. ఆమె 1951 నుండి ఆల్ ఇండియా రేడియోలో పనిచేసింది. దక్షిణ భారతదేశం నుండి ఆల్ ఇండియా రేడియో మొదటి మహిళా స్వరకర్తగా ఆమె ప్రసిద్ధి చెందింది. ఆమె అనేక కచేరీలు చేసింది. ఆమె డబ్బింగ్ ఆర్టిస్ట్ కూడా, ఆమె కొన్ని టెలిఫిల్మ్‌లు, ఆల్బమ్‌లలో నటించింది.

సుబ్బలక్ష్మి 2023 నవంబరు 30న 87 సంవత్సరాల వయసులో మరణించింది.

మూలాలు

'