ఆనెగొంది

ఆనెగుంది ఆనెగొంది కిష్కింధ
గ్రామం
Nickname:  కిష్కింధ నగర్
ఆనెగుంది కర్ణాటక ఆనెగుంది ఆనెగుంది (India)
Coordinates: 15.3527°N 76.4919°E / 15.3527; 76.4919
దేశం	భారతదేశం (India)
రాష్ట్రం	కర్ణాటక
జిల్లా	కొప్పల్ జిల్లా
Elevation	568 మీ (1,864 అ.)
జనాభా  (2011)
• Total	3,733
భాషలు
• అధికారికం	కన్నడ
Time zone	UTC+5:30 (భారత ప్రామాణిక కాలమానం)
లింగ నిష్పత్తి	1740:1757 ♂/♀

ఆనెగొంది, భారతదేశంలోని కర్ణాటక రాష్ట్రంలోని కొప్పల్ జిల్లా గంగావతి తాలూక లోని ఒక గ్రామం. ఇది తుంగభద్ర నది ఉత్తర ఒడ్డున ఉన్న హంపి కంటే పురాతనమైనది. పురాతన కాలంలో దీనిని కిష్కింధ అని పిలిచేవారు. రామాయణ కాలంలో ఇది వాలి రాజధానిగా ఉండేదని నమ్ముతారు. 14వ శతాబ్దం ప్రారంభంలో విజయనగర సైన్యం తన ఏనుగుల దళాన్ని ఇక్కడ ఉంచటం వలన దీనికి ఆనెగొంది (ఏనుగుల ఆవరణ) అనే పేరు వచ్చింది.

చరిత్ర

14వ శతాబ్దం ప్రారంభంలో, ఇక్కడ  ఏనుగుల ఆవరణ ప్రారంభించబడింది. ఈ గ్రామం విజయనగర సామ్రాజ్యం, అనేక ఇతర రాజవంశాలకు మొదటి రాజధాని. ఢిల్లీ సుల్తానులు హనుమకొండను ఆక్రమించినప్పుడు, హరిహర, బుక్క రాయలు తప్పించుకుని ఆనెగొందికి వచ్చి, తరువాత హంపిలో విజయనగర సామ్రాజ్యాన్ని స్థాపించారు. 16వ-18వ శతాబ్దాలలో, ఆనెగొందిని బీజాపూర్ సుల్తానులు, మొఘలులు, మరాఠాలు, టిప్పు సుల్తాన్ పరిపాలించారు. బ్రిటిష్ పాలనలో, హంపిని పాలించిన విజయనగర రాజు 1824లో బ్రిటిష్ వారితో, హైదరాబాద్ నిజాంతో చేసుకున్న ఒప్పందం ప్రకారం తన రాజ్యాన్ని కోల్పోయాడు. 1824 ఒప్పందం ప్రకారం అప్పటి రాజ కుటుంబానికి నెలవారీగా రూ. 300 పెన్షన్ అందించబడింది. తరువాత అతను హంపిని విడిచిపెట్టి ఆనెగొందిని తన అధికారిక నివాసంగా మార్చుకున్నాడు. ప్రభుత్వం చెల్లించే ఈ నెలవారీ పెన్షన్‌ను పొందిన రాజకుటుంబ చివరి వారసురాలు రాణి లాల్‌కుమారి బాయి. ఆనెగొందిలో అనేక వారసత్వ ప్రదేశాలు ఉన్నాయి. పురాణాల ప్రకారం ఆనెగొంది హనుమంతుడి జన్మస్థలమైన అంజనాద్రి కొండ అని నమ్ముతారు. 

పర్యాటక ప్రదేశాలు

• అంజనాద్రి కొండ
• ఆనెగొంది కోట
• గగన్ మహల్
• కిష్కింద వాటర్ పార్క్
• సనాపూర్ సరస్సు
• పంపా సరోవర్