పందిళ్ళపల్లి (బేస్తవారిపేట)

పందిళ్ళపల్లి (బేస్తవారిపేట)
గ్రామం
పందిళ్ళపల్లి (బేస్తవారిపేట)
అక్షాంశ రేఖాంశాలు: 15°27′46.944″N 79°5′2.688″E
దేశం	భారతదేశం
రాష్ట్రం	ఆంధ్రప్రదేశ్
జిల్లా	ప్రకాశం
మండలం	బేస్తవారిపేట
అదనపు జనాభాగణాంకాలు
• లింగ నిష్పత్తి	స్త్రీ, పురుష జనాభా వివరాలు లేవు
ప్రాంతపు కోడ్	+91 ( )

పందిళ్ళపల్లి ప్రకాశం జిల్లా బేస్తవారిపేట మండలానికి చెందిన రెవెన్యూయేతర గ్రామం.

గ్రామ పంచాయతీ

2013 జూలైలో ఈ గ్రామ పంచాయతీకి జరిగిన ఎన్నికలలో కర్నాటి మోహనరెడ్డి, సర్పంచిగా ఎన్నికైనారు.

విద్యా సౌకర్యాలు

జిల్లా పరిషత్తు ఉన్నత పాఠశాల- ఈ పాఠశాలలో గత సంవత్సరం 10వ తరగతి చదివిన కప్పల రాజకుమారి, చిలకల శరణ్య అను విద్యార్థినులు, 10వ తరగతిలో విశేష ప్రతిభ కనబరచి, ముఖ్యమంత్రి గారి చేతులమీదుగా ప్రతిభా పురస్కారం అందుకున్నారు.

మహాత్మాగాంధీ ఎయిడెడ్ పాఠశాల - ఈ పాఠశాల పందిళ్ళపల్లిలోని ఎస్.సి.కాలనీలో ఉంది.

మండల పరిషత్తు ప్రాథమిక పాఠశాల - ఈ పాఠశాల గ్రామం లోని పంచాయతీ కార్యాలయం దగ్గర ఉంది. ఇందులో ఆనంద లహరి అభ్యసనం ద్వారా బోధన జరుగుతుంది. ఈ విధమైన అభ్యసన బెస్తవారిపేట మండలంలో రెండు పాఠశాలలో మాత్రమే జరుగుతుంది. అందులో ఈ పాఠశాల ఒకటి.

దర్శనీయ ప్రదేశాలు/దేవాలయాలు

• శ్రీ కోదండరామస్వామివారి ఆలయం
• శ్రీ ఉగ్ర ఆంజనేయస్వామివారి ఆలయం - ఈ ఆలయంలో, ప్రతి సంవత్సరం, హనుమజ్జయంతి ఉత్సవం (మే నెలలో) వైభవంగా నిర్వహించెదరు. ఉదయం అభిషేకం, ఆకుపూజలు, అర్చనలు నిర్వహించెదరు. రాత్రికి పలు సాంస్కృతిక కార్యక్రమాలు నిర్వహించెదరు. ఈ సందర్భంగా గ్రామంలో, రాష్ట్రస్థాయి ఎడ్ల బల ప్రదర్శనలు నిర్వహించి, గెలుపొందిన ఎడ్ల యజమానులకు బహుమతులు అందజేయుదురు.

గ్రామ విశేషాలు

ఈ గ్రామాభివృద్ధికి హోథ్స్ సంస్థవారు తమ అంగీకారాన్ని తెలియజేసినారు.

పందిళ్ళపల్లి టోల్ ప్లాజా

పందిళ్ళపల్లి పల్లె గ్రామ బస్ స్టాండ్ వద్ద ఒక టోల్ ప్లాజా నిర్మాణానికై 2020, నవంబరు-10న శంకుస్థాపన నిర్వహించారు.